Jıyn barysynda ol qaladaǵy koronavırýstyq ahýalǵa toqtalyp ótti.
«Qalada koronavırýs ınfeksııasynyń 599 jaǵdaıy tirkeldi. 332 naýqas stasıonarlarda jatyr. 214 adam emdelip shyqty. Úıdegi karantınde 2576 adam bar. О́kinishke qaraı, indetten úsh adam qaıtys boldy. 9 sáýirden bastap jappaı ekspress-testileý júrgizile bastaldy, ony 15 528 adam tapsyrdy. Qazirgi ýaqytta 10 naýqastyń jaǵdaıy turaqty aýyr halde, onyń ishinde 5 naýqas jasandy tynys alý apparatyna qosylǵan. Qazirgi ýaqytta jalpy 29 680 laboratorııalyq zertteýler júrgizildi. 9 sáýirden beri 15 528 adam ekspress testileýden ótti», dedi B.Máken.
Sonymen qatar ol aýlada serýendeý kezinde ustanatyn negizgi erejeni túsindirdi. Budan buryn habarlanǵandaı, elorda turǵyndaryna 27 sáýirden bastap aýlaǵa shyǵýǵa ruqsat etildi. Kóshede 3 adamnan artyq toptasyp jınalýǵa tyıym salynady.
«Bul jerde otbasy músheleri sanalmaıdy. Ata-anasynyń bireýi nemese 18 jastan asqan jaqyny qasynda bolmasa kámeletke tolmaǵan balalar aýlaǵa shyǵa almaıdy. Serýenge shyqqan turǵyndarda medısınalyq maska men qolǵap bolýy tıis, sondaı-aq jeke kýáligi bolýy kerek. Sonymen qatar qala turǵyndaryna turǵyn úı mańyndaǵy aýlada saǵat 06:00-den 20:00-ge deıingi aralyqta serýendeýge ruqsat etiledi. Bul turǵyda mindetti sanıtarlyq normalardy ustaný kerek. Osy oraıda egde jastaǵy adamdarǵa (65 jastan asqan) ári sozylmaly aýrýy barlarǵa asa qajet bolmasa, kóshege shyqpaǵandary abzal. Aıta ketetin taǵy bir jaıt, koronavırýs ınfeksııasyn juqtyrý qaýpi seıilmegendikten, adamdar kóp jınalatyn oryndar, ıaǵnı saýda jáne oıyn-saýyq ortalyqtary, klýbtar, meıramhanalar men dámhanalar (tek onlaın tapsyrys) jabyq bolady. Sonymen qatar, qoǵamdyq kólik jumysy karantın aıaqtalǵansha qaıta iske qosylmaıdy», dedi B.Máken.
Baıandama barysynda ol Memleket basshysynyń tapsyrmasy boıynsha tótenshe jaǵdaı kezeńinde tabysyn joǵaltqan azamattarǵa áleýmettik kómek berý jumystary jalǵasyp jatqanyn atap ótti.
«28 sáýirdegi jaǵdaı boıynsha 42,500 teńge áleýmettik kómekti 275 myń turǵyn aldy. Jalpy, atalǵan tólemge 594,7 myń adam ótinim berdi. 301 myń adamnyń ótinimi maquldanbady. Sonymen qatar «Biz birgemiz» aksııasynyń ekinshi kezeńi aıasynda tólemder júrgizilip jatyr, onyń aıasynda 28 073 adam qamtyldy. Aıta keteıik, «Biz birgemiz» aksııasynyń alǵashqy kezeńinde, ıaǵnı 19 naýryzdan 23 sáýirge deıin elordanyń 14 478 turǵyny 50 myń teńge kóleminde qarjylaı kómek aldy», dedi Nur-Sultan qalasy ákiminiń orynba-
sary.
