- Oblystyq basqarma basshylary men aýdan, qala ákimderine qatań eskertemin. Ujymda kez kelgen jemqorlyq sıpatyndaǵy áreketterge jol bergen birinshi basshynyń máselesin ózim jeke qaraıtyn bolamyn, – dedi oblys ákimi.
Jıynda QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti basshysy Ardaq Erseıitov memlekettik organdar basshylary ózderine tikeleı baǵynystaǵy tulǵalardyń sybaılas jemqorlyq qylmystar jasaǵany úshin jaýaptylyqta ekenin málimdedi. Osy zańnyń qabyldanýymen elimizde sybaılas jemqorlyqqa qarsy kúrestiń jańa kezeńi bastaldy.
Májiliste mamyr aıyndaǵy merekelik sharalardy uıymdastyrý týraly oblys ákiminiń orynbasary Serik Ahmet habarlama jasady.
Bıylǵy Uly Jeńistiń 75 jyldyǵyna arnalǵan «Jasampaz jasaq» jobasy onlaın formattaǵy aksııamen bastaldy. Búginde oblysta 16 UOS ardageri, 49 maıdangerler jesiri jáne 4269 tyl ardageri bar. Jalpy óńirdegi 4 335 UOS ardageri men olarǵa teńestirilgen azamattarǵa birjolǵy materıaldyq kómek kórsetýge oblystyq jáne aýdandyq bıýdjetten barlyǵy 454,8 mln.teńge bólingen. UOS ardagerlerine 1 mln. 111 myń teńge áleýmettik tólem jasalatyn bolady.
Qazaqstan halqynyń birligi jáne Otan qorǵaýshylar kúni, Uly Jeńistiń 75 jyldyǵy merekelerine arnalǵan sharalar Youtube platformasynda iske qosylǵan «Syr birligi» kanalynda onlaın kórsetiledi jáne áleýmettik jeliler men ınternet resýrstarda #Syrbirligi, #1mamyr #Bizbirgemiz heshtegterimen aqparattandyrylady.
Sonymen qatar, májiliste óńir basshysy Qyzylorda oblysy boıynsha qylmystyq-atqarý júıesi departamentiniń jańa bastyǵyn tanystyrdy. QR Ishki ister mınıstriniń buıryǵymen Qyzylorda oblysy boıynsha qylmystyq-atqarý júıesi departamentiniń bastyǵy qyzmetine Sháımerden Esenkeldıev taǵaıyndaldy.
