Elorda bıligi qala turǵyndaryn jumysqa ornatastyrý boıynsha keshendi sharalar qabyldady.
Jumys izdep júrgen azamattar onlaın-keńes ala alady. Sall-ortalyq nómirleri ortalyqtyń www.cz.astana.kz resmı saıtynda qol jetimdi. Sondaı-aq, «Eńbek» baǵdarlamasy aıasynda jumyspen qamtý ortalyǵy jumyssyz azamattarǵa turaqty jumysqa ornalasý múmkindigi bar «jastar tájirıbesi», «áleýmettik jumys orny», «qoǵamdyq jumystar» baǵdarlamalaryna qatysýdy usynady.
Sonymen qatar, jumys berýshilermen «Elektrondy eńbek bırjasy» ınternet-portalynda, jeke kabınet arqyly bos jumys oryndaryn jınaý jáne bos jumys oryndaryn toltyrý boıynsha belsendi jumys júrýde. EEB «Jumys» www.enbek.kz portaly úıden shyqpaı-aq, onlaın rejıminde jumys izdeýge múmkindik beredi. Ol úshin tirkelip, ózińizdiń jeke kabınetińizdi quryp, túıindemeńizdi ornalastyrýyńyz kerek.
TJ engizilgen sátten bastap 335 azamatqa jumysqa ornalastyrý boıynsha sharalar kórsetildi. Onyń ishinde 154 adam turaqty jumysqa ornalastyryldy. Jastar tájirıbesinen ótýge 29 adam jiberildi (jyl basynan beri 194), 143 adam «Qoǵamdyq jumystar» baǵdarlamasyna qatysty (jyl basynan beri 995), «Áleýmettik jumys» oryndaryna 9 adam jumysqa ornalastyryldy (jyl basynan beri 61 adam). 2020 jyldyń basynan jańa bıznes-ıdeıalardy iske asyrý úshin memlekettik grant bólý jónindegi Komıssııamen 59 grant maquldanyp, onyń 47-si berildi.
