«2021 jylǵy jabyq ǵımarattaǵy Azııa oıyndaryn Taıland joǵary dárejede ótkizedi degen senimim mol. Álemde qandaı jaǵdaı bolsa da, biz sport kúntizbesin ári qaraı jalǵastyrý úshin jumys istep jatyrmyz. Jabyq ǵımarattaǵy Azııa oıyndaryn uıymdastyrýshylarǵa sáttilik tileımin», deıdi Azııa Olımpıada keńesiniń prezıdenti.
Qazaqstan Ulttyq Olımpıada komıtetiniń habarlaýynsha, jaýyngerlik óner túrleri boıynsha jabyq ǵımarattaǵy altynshy Azııa oıyndaryn Bangkok jáne Pattaııa qalalary qabyldaıdy. Jarysta sporttyń 24 túrinen júlde taratylady. Aıta ketelik, jabyq ǵımarattaǵy eń alǵashqy Azııa oıyndary 2005 jyly Bangkokte ótken bolatyn.
2017 jyly Túrikmenstannyń bas shahary – Ashhabadta ótken V Azııa oıyndarynda Qazaqstan quramasynyń 181 óreni sporttyń 16 túrinen el namysyn qorǵaǵan. On eki kúnge sozylǵan V Azııa oıyndarynyń qorytyndysy boıynsha 181 sportshymyz 28 altyn, 28 kúmis jáne 40 qola júlde ıelendi. Jalpykomandalyq esepte 96 medal jıyntyǵyna qol jetkizgen bizdiń sportshylar tórtinshi orynǵa turaqtaǵan-dy.
