Aımaqtar • 29 Sáýir, 2020

Mańǵystaý: Ardagerlerge 1 mln teńgeden berildi

534 ret

kórsetildi

1 mın

oqý úshin

О́ńirde Uly Jeńistiń 75 jyldyǵyna oraı UOS qatysqan ardagerler men tyl maıdanynda eńbek etken ardagerlerdi ulyqtaý sharalary júrip jatyr, dep habarlady Mańǵystaý oblysy ákiminiń baspasóz qyzmeti. Qazirgi tańda oblysymyzda Uly Otan soǵysyna qatysqan 11 ardager jáne 900 tyl ardageri bar.

Gúlaıym DÁÝITBAI

Mańǵystaý: Ardagerlerge 1 mln teńgeden berildi

Mereke qarsańynda oblys ákimdiginiń qoldaýymen barlyq ardagerlerge aqshalaı materıaldyq qómek esep shottaryna aýdaryldy. Onyń ishinde 11 soǵys ardageriniń árqaısysyna 1 mıllıon teńgeden esep shottaryna tústi. Sondaı-aq UOS múgedekterine - 1 mln teńgeden, Tyl eńbekkerlerine - 40 AEK - ten; UOS múgedekterine teńestirilgenderge - 60 AEK jáne basqa da sanattaǵy áskerılerge qosymsha qarajat berildi.

Budan bólek, ardagerlerdiń týǵan kúnderi de eskerýsiz qalyp jatqan joq. Oblystyq ardagerler keńesiniń tóraǵasy Serikbaı Tóletov Taýshyq aýylynda turatyn ardager Mámbetov Ybraıkom jáne Aqtaý qalasynyń turǵyny ardager Sýhonos Stanıslav Trofımovıchti oblys ákimi Serikbaı Trumovtyń atynan arnaıy quttyqtap, alǵys hattaryn tabystady.