Indýstrııa jáne ınfraqurylymdyq damý mınıstriniń 2020 jylǵy 18 sáýirde №212 buıryǵymen kommýnaldyq qyzmetterdi jetkizýshilerge shyǵyndardy óteý qaǵıdalary bekitildi.
Memleket basshysynyń tótenshe jaǵdaıǵa baılanysty karantın engizilgen qalalardyń turǵyndary úshin kommýnaldyq tólemderdi tómendetý máselesi boıynsha keshendi sheshim ázirleý jónindegi tapsyrmasyna sáıkes halyqtyń áleýmettik qorǵalmaǵan toptaryn negizge ala otyryp jáne jergilikti atqarýshy organdardyń usynystary negizinde mynadaı sanattar belgilendi:
1) 1, 2, 3 top múgedekteri;
2) múgedek balalardy tárbıelep otyrǵan otbasylar;
3) kóp balaly otbasylar;
4) Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen tulǵalar;
5) memlekettik jáne qoǵamdyq mindetterin, áskerı boryshyn oryndaý kezinde qaza tapqan adamdardyń otbasylary;
6) eń tómengi zeınetaqy alatyn zeınetkerler;
7) ataýly áleýmettik kómek alatyn azamattar, onyń ishinde jalǵyz basty zeınetkerler.
15 myń teńge somasyna shyǵyndardy óteý joǵaryda kórsetilgen sanattaǵy azamattardyń ákimdikke júginýleri negizinde ǵana júrgiziledi.
Áleýettik kómek alýshyǵa Aqparattyq júıeler nemese call-ortalyq arqyly ákimdikke óziniń JSN, áleýmettik mártebesi men jeke shotynyń nómirin usyna otyryp ótinim berý jetkilikti.
Call-ortalyq arqyly aýyzsha ótinish berý jetkilikti.
Sonymen qatar, qosymsha ózge qujattardy usyný talap etilmeıtinin aıta ketý eerek.
Budan ári, ákimdik usynylǵan derekterdi tekserip, durys bolǵan jaǵdaıda azamattyń jeke (abonenttik) shotyna qarajat aýdarady.
Ákimdikter ótinim berýge arnalǵan resýrstardy qurý boıynsha belsendi jumys júrgizýde. Búgingi tańda ákimdikter túsindirý jumystaryn belsendi júrgizip jatyr.
Kómek Qaǵıdada kórsetilgen sanattarǵa jatatyn, kommýnaldyq qyzmet kórsetýshilermen óz atynan kelisim-shart jasaǵan jáne karantın engizilgen eldi mekende turatyn adamdardyń barlyǵyna kórsetiledi.
Múgedek balalardy tárbıelep otyrǵan jáne kóp balaly otbasylar, memlekettik jáne qoǵamdyq qyzmetin, áskerı boryshyn ótip júrgen kezde qaza tapqan adamdardyń otbasy músheleriniń biriniń qyzmet kórsetýshilermen sharty bolýy tıis.
Budan basqa, búgingi tańda joǵaryda kórsetilgen sanattarǵa jatatyn adamdarmen birge turatyn otbasy múshelerine kommýnaldyq qyzmetter boıynsha shyǵyndardy óteý boıynsha joǵaryda kórsetilgen Qaǵıdalarǵa ózgerister engizý máselesi pysyqtalyp jatyr.
