Turǵyndardy jaman indettiń tarshylyǵy bir jaǵynan qysyp jatqanda tilsiz jaýlardyń qyspaǵy da ekinshi jaqtan qoıar emes. Jyl basynan beri bizdiń shaǵyn oblysta 16 adamnyń ómirin jalmaǵan 198 órt bolǵan. О́tken mereke kúniniń ózinde ǵana eki órt bolypty. Músirepov aýdanynyń «Chervonnoe» selosynda bolǵan órtte 1966 jyly týǵan áıel kóz jumǵan. Al Petropavldyń irgesindegi Prıbrejnoe selosynda bolǵan órt týraly biz jazdyq. Eki órttiń de shyǵý sebebi, aldyn ala anyqtaýlarǵa qaraǵanda, otqa nemquraılyqpen qaraýdyń saldarynan bolǵan. Sonymen birge eski qaýdy kúıdirgende ketken órtter de birshama kóp. Ot jeldiń ekpinimen kúsheıip, tez jaıylǵandyqtan jaqyn mańdaǵy turǵyndardyń múlki men malyna zııan keltirgen. «Búgingi tańda 560 gektar jerge taraǵan sondaı 400 órt boldy. О́rt negizinen adamdardyń órtke saqtyqpen qaramaýynan bolady. Olar daladaǵy ottardy sóndirmeı tastap ketkendikten, tipti shylymnyń óshpegen tuqylyn tastap ketkennen tutanǵan. Osyndaı jaǵdaılardy baqylaý úshin biz 55 utqyr top qurdyq. Quramynda jergilikti atqarýshy organdardyń ókilderi, azamattyq qorǵanys organdarynyń qyzmetkerleri, jergilikti polısııa jáne orman sharýashylyǵynyń jumyskerleri bolǵan barlyǵy 232 adamnan turǵan osyndaı toptar 200-den artyq reıdter ótkizdi. Olardyń jumystary tıimdi boldy, ot qaýpin týdyrǵan 71 adamǵa ákimshilik jaýapkershilik júktelip, 230 myń teńgeniń aıyppuly salyndy», dedi Nurlan Atyǵaev.
Al sý tasqynyna baılanysty habarlamasynda ol oblystaǵy qazirgi jaǵdaı turaqty ekenin jetkizdi. Gıdrologıkalyq beketter sýdyń qalypty jaǵdaıda tómendeýin baqylaǵan.
Soltústik Qazaqstan oblysy
