«Atakent kenti men Maqtaaral, Jambyl aýyldyq okrýgterinde mektepterdiń bazasynda 14 qabyldaý-evakýasııalyq pýnkter uıymdastyryldy. Qazirgi tańda 3 200 adam ornalastyryldy. Qalǵandary týǵan-týystarynyń úılerinde. Qabyldaý-evakýasııalyq pýnktteri qajetti qural-jabdyqtarmen qamtamasyz etildi. Qazirgi karantındik jaǵdaıdy eskere otyryp, 120 medısına qyzmetkeri kómek kórsetýde», - dedi О́.Shókeev.
Onyń aıtýynsha, tótenshe jaǵdaı saldarynan jalpy 845 turǵyn úıdi, 3 mektepti, 5 balabaqshany, 4 medısına nysandaryn, 1 mádenıet úıin, sondaı-aq 10 dúkendi sý basty.
«Jeńis aýylyndaǵy kópirdi jáne respýblıkalyq, oblystyq, aýdandyq mańyzy bar 54,7 shyqyrym avtojoldy sý basty. Budan bólek aldyn ala jınaqtalǵan málimetter boıynsha kólemi 7639 ga egistik jerlerdi sý basty. Mal shyǵyny da naqtylanyp jatyr. Qazirgi ýaqytta osy joǵaryda atalǵan shyǵyndardy eseptep jatyrmyz. Naqty shyǵyn kólemi anyqtalǵannan keıin qosymsha baıandalady», dedi ol.
