Karantın kezindegi Elorda bilim berý uıymdarynyń qashyqtan oqytý máseleleri boıynsha baıandama jasaǵan Sh.Qadyrova:
– Bilim jáne ǵylym mınıstrligi bekitken tehnıkalyq jáne kásiptik bilim berý uıymdaryna kúndizgi oqý bólimine qabyldaý Erejesine sáıkes, kolledjderge qujattardy qabyldaý 20 maýsym men 25 tamyz aralyǵynda júzege asyrylady. Qujattardy kolledjdiń qabyldaý komıssııasyna qaǵaz túrinde nemese elektrondy túrde e.astana.kz saıty arqyly tapsyrýǵa bolady.
Talapkerlerge oqýǵa túsý emtıhandary tańdaǵan mamandyǵyna baılanysty kolledj bazasynda ótkiziledi. Eldegi sanıtarlyq-epıdemıologııalyq rejım uzartylǵan jaǵdaıda talapkerlerge oqýǵa qujattardy qabyldaý jáne túsý emtıhandaryn ótkizý nysany qosymsha habarlanaDY, – dedi.
