Bul rette oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Jorabek Baýbekov taýarlardy iske asyrý tetigi pysyqtalyp, olardy úlestirý boıynsha adamdardyń sanattary anyqtalǵanyn aıtty. «Eń aldymen, áleýmettik mekemeler – balalar úıleri, qarttar úıleri, psıhonevrologııalyq jáne ózge de aýrýlarmen aýyratyndarǵa arnalǵan ınternat úılerindegi qyzmet alýshylar irikteldi. Sonymen qatar, bul tizimge oblystaǵy az qamtylǵan azamattar men ataýly áleýmettik kómek alýshylar, sondaı-aq, ómirlik qıyn jaǵdaıǵa tap bolǵan óńir turǵyndary da engizilgen», deıdi Jorabek Baýbekov.
Taraz qalasy men aýdandarda da bul kómekke muqtaj jandardyń tizimi ázirlengen. Tıisti azamattarǵa taýarlardyń durys bólinýin baqylaý tikeleı jergilikti ákimderge júktelgen. Sondaı-aq, Jorabek Baýbekov tárkilengen taýarlardy taratý aksııasyna oblystyq jastar saıasaty máseleleri basqarmasynyń da tartylatynyn atap ótti. Negizinen basqarma bul taýarlardy Taraz qalasy men aýdandarda jumys isteıtin áleýmettik dúkender arqyly taratýǵa nıetti. Jastar saıasaty máseleleri basqarmasy qazirdiń ózinde 109 myń dana taýarǵa ótinim bergen. Sonymen qatar, tárkilengen taýarlardyń bir bóligi, ıaǵnı 10 myń dana jańa taýar azyq-túliktermen birge sý tasqynynan zardap shekken kórshiles Túrkistan oblysyna jiberilgen.
Jambyl oblysy
