– Zaroslyı aýylynda turatyn muǵalim kóp balaly Nurly Omarovanyń otbasyndaǵy jaǵdaı týraly habarlady. Biz bul otbasyǵa arnaıy baryp, jaǵdaıymmen tanystyq. Bul otbasynyń segiz balasy bar. Balalarynyń úlkeni –16 jasta, al, kishisi áli bir jasqa tolmaǵan. Otaǵasynyń turaqty jumysy joq. On jyldan beri qulaǵaly turǵan bir bólmeli saraıdy panalap keledi, -deıdi aýyl jastaryn qaıyrymdylyq iske jumyldyryp júrgen Ánýarbek Bataev.
Onyń aıtýynsha, segiz balaly otbasy járdemaqymen ǵana kún kórip otyr. Al, janashyr jastar qoldaýǵa muqtaj otbasynyń jaǵdaıy jóninde áleýmettik jelide habarlap, qarjy jınaýdy bastady. «Kóp túkirse – kól» degendeı, muqtaj otbasyǵa kómek berýge nıetti jandar az emes eken. Qaıyrymdylyq jasaýdy paryzy sanaıtyn kópshilik qajetti qarjyny tez jınady. Sóıtip, segiz balaly otbasy úshin bes bólmeli úı satyp alyndy.
Aýyldastarynyń áleýmettik turmysy jaqsarǵanyn qalaıtyn jastar qalǵan qarjyny taǵy otbasyǵa úı alyp berýge jumsady. Tórt balasy bar jalǵyzbasty ana Qurmanǵazy aýylynda aýyldastary jaldap bergen úıde turady eken. Qazir qaıyrymdylyq isti qolǵa alǵan jigitter satyp alynǵan úılerge jóndeý jumystaryn júrgizip, qonys toıyna daıyndap jatyr.
Osylaısha, qazaqtyń qanynda bar qaıyrymdylyqty boıǵa sińirgen jastardyń qoldaýymen eki otbasy baspana baqytyna bólengeli otyr.
