Búgin, 22 qyrkúıek, jeksenbi kúni tús aýa Qazaqstan Respýblıkasynyń Prezıdenti Nursultan Nazarbaev Qyzylorda oblysyna jumys saparymen keldi. Bul týraly oblys ákiminiń baspasóz qyzmetiniń deregine silteme jasaǵan «QazAqparat» tilshisi habarlady.
«Memleket basshysy Qyzylorda jerine basqan qadamyn bıylǵy oqý jylynyń basynda ashylǵan «Qyzylorda qalasyndaǵy hımııa-bıologııa baǵytyndaǵy Nazarbaev Zııatkerlik mektebinnen» bastady. Jańa mektepte oblys ákiminiń orynbasary Aqmaral Álnazarova aımaqtaǵy bilim salasyn damytý baǵytynda júzege asyp jatqan baǵdarlamasy jóninde málimdeme jasady. Al mekteptiń qyzmeti jáne bilim baǵdarlamalary jóninde Memleket basshysyn «Nazarbaev Zııatkerlik mektepteri» derbes bilim berý uıymy basqarmasynyń tóraıymy Kúlásh Shámshıdınova tanystyrdy», - delingen habarlama.
Respýblıka kóleminde 14-shi bolyp ashylǵan aıtýly oqý oryny bıylǵy jyly konkýrstyq negizde 553 ozat oqýshyny tańdap aldy. Mektep jańa kompıýterlik júıemen, mýltımedııalyq kabınettermen, ınteraktıvti taqtalarmen, ınnovasııalyq baǵdarlamalyq júıemen jabdyqtalǵan.
Osydan keıin Memleket basshysy Qyzylorda qalasynda bıylǵy jyly jazda abattandyrý jáne kógaldandyrý baǵytynda júrgizilgen jumystarmen tanysty.
Sáken Maılybaı.
