Búgin, 22 qyrkúıek, jeksenbi kúni Astananyń «Barys» komandasy qurlyqtyq Hokkeı Lıgasy chempıonatynda Ekaterınbýrgtiń «Avtomobılısin» qabyldap, ony 7:2 esebimen talqandap shyqty. Bul týraly Egemennews.kz tilshisi habarlady.
Bul kezdesýdiń birinshi kezeńinde qarsylastar kimniń myqty ekenin anyqtaı almady. Biraq kezdesý qonaqtardyń tez alǵa shyǵýlarymen bastaldy. Olardyń Aleksandr Strelsov jáne Tobıas Vıllýnd esimdi eki shabýylshysy Arı Ahonen qorǵaǵan bizdiń qaqpaǵa eki shaıba soǵyp ketti. Sodan keıin arada 6 mınýt ótkende, Roman Starchenko bir shaıbanyń qarymtasyn qaıtara aldy. Al kezeńniń sońyna qaraı Talǵat Jaılaýov esepti teńestirdi - 2:2. Sodan keıin tek qana astanalyqtar qaqpa qulpyn buzýmen boldy. Kelesi keezń bastalǵanda 11 sekýnd ótisimen, Naıdjel Doýs alań ıelerin matchta birinshi ret alǵa shyǵardy. Osy kezeńde Fedor Polıshýk te kózge túsip, esepti 4:2 etti.
Úshinshi keezńde astanalyqtar jaýapsyz úsh shaıba túsirip úlgerdi. Olardy Mıhaıl Rahmanov, Roman Starchenko jáne Talǵat Jaılaýov óz esepterine jazdy. Sóıtip, esep 7:2-ge tııanaqtady.
«Barys» osylaısha chempıonattaǵy altynshy jeńisine jetti. Sonymen birge komanda birinshiliktegi soqqan shaıbalary sanyn 40-qa toltyryp, bul jóninen de kósh bastady.
Astanalyqtar qazir 18 upaımen burynǵysynsha Shyǵys konferensııasynda top bastap keledi.
Damır Qojamqul.
