Budan buryn habarlaǵanymyzdaı, búgin, 22 qyrkúıek, jeksenbi kúni Qazaqstan Respýblıkasynyń Prezıdenti Nursultan Nazarbaevtyń Qyzylorda oblysyna búgin tús aýa bastalǵan jumys sapary bıylǵy oqý jylynda ashylǵan «Nazarbaev zııatkerlik mektebiniń» jumysymen tanysýdan bastaldy. Bul týraly Egmenenews.kz tilshisi habarlady.
Syr óńirinde boı kótergen zamanaýı úlgidegi 720 oryndyq záýlim ǵımarattyń ózi qalaǵa óń berip tur desek, artyq aıtpaǵan edik. Elbasy atyndaǵy zııatkerlik mektepke oblystyń barlyq aımaǵynan daryndy, talantty oqýshylar qabyldandy. Sabaq úsh tilde júrgiziledi. Alǵashqy 7-9 synypta beriletin sabaq bilim berý ortalyǵynyń baǵdarlamasy aıasynda bolsa, 9-11 synyp oqýshylary halyqaralyq standartqa saı oqytylady. Alystan kelip oqıtyn balalarǵa barlyq jaǵdaıy jasalǵan. Sonyń dáleli retinde 120 oryndyq jataqhanany aıtar edik. Qyzylordadaǵy «Nazarbaev zııatkerlik mektebi» hımııa jáne bıologııa páni boıynsha tereńdetip oqytady. Sonymen qatar, taǵy bir ereksheligi, retinde ekonomıka, ekologııa, Qazaqstan zamanaýı álemde atty arnaıy kabınetter ashylǵan. Munda balalar ár sala boıynsha jan-jaqty aqparat alyp, bilimderin jetildiredi. Mektepte bilim alý úshin 4001 bala ótinish bildirgen. Olardyń arasynan suryptalyp, 553 oqýshy «Nazarbaev zııatkerlik mektebiniń» oqýshysy atanǵan. Tipti, muǵalimderdiń ózi synaq arqyly qabyldanǵan. Sonyń nátıjesinde 93 muǵalim búginde oqýshylarǵa bilim berip jatyr. Olardyń ishindegi 53 ustaz úsh deńgeıli konkýrstyń nátıjesinde qabyldanǵan. Munyń ózi talaptyń óte kúshti ekenin ańǵartsa kerek.
– Birinshiden, eldegi balalardyń barlyǵy talantty, daryndy emes. О́mirdiń shyndyǵy osy ǵoı. Sondyqtan ata-analar balalary «Nazarbaev zııatkerlik mektebine» túse almaı qalyp jatsa renjimeýi kerek. Munda tek talantty balalar ǵana bilim alady. Ekinshiden, bul oqý ordasy oblystaǵy qaı mekteptiń qandaı deńgeıde ekenin kórsetedi. О́ıtkeni, munda tek myqtylar ǵana oqıdy. Sondyqtan mektepterdiń bilim sapasy anyqtalady. Al osy mektepti bitirgen oqýshylar bilimin odan ári Astanadaǵy «Nazarbaev ýnıversıtetinde» jalǵastyra alady. Bolashaqtaǵy bilimniń eń bıik shyńy bıologııa bolyp sanalady. Sebebi, bıologııanyń ózi matematıkamen jáne nanotehnologııamen qatar júredi. Ashylatyn jańalyqtyń bári osy salada bolady. Sondyqtan mekteptiń bıologııa men hımııa pánin tereńdetip oqytýy qýanyshty jaǵdaı,– dedi Elbasy.
Nursultan Ábishuly budan soń «Nazarbaev zııatkerlik mektebin» aralap kórdi. Atqarylyp jatqan jumystar men oqýshylardyń ǵylymdy ıgerýi úshin jasalǵan jaǵdaımen tanysty. Onan soń ustazdar qaýymymen jolyǵyp, pikir almasty.
«Nazarbaev zııatkerlik mektebinde» Elbasy aımaqta bilim salasy boıynsha atqarylyp jatqan sharýalardyń jaıymen de tanysty. Qyzylorda oblysynda bilim salasyn damytýǵa arnalǵan 2013-2015 jyldar aralyǵyndaǵy «Jol kartasy» ázirlendi. Sonyń arqasynda bıyl úsh aýysymda bilim beretin mektepterdiń máselesi túbegeıli sheshilgen. Sonymen qatar, apatty jaǵdaıdaǵy mektepterdiń sany naqtylanyp, olardyń qujattaryn daıyndaý úshin tıisti qarajaty bólingen. Solaısha, 2014 jyldyń sońyna deıin apatty jaǵdaıdaǵy mektepterdiń máselesi tolyǵymen sheshilmek. «Balapan» baǵdarlamasy boıynsha da atqarylyp jatqan jumystar kóńil kónshiterlikteı. Baǵdarlama boıynsha 2020 jylǵa deıin balalardy tolyǵymen balabaqshamen qamtý kózdelgen. Degenmen, Qyzylorda oblysy 2015 jyly bul tapsyrmany oryndap qoımaq. Taǵy bir aıta ketetin másele bar. Bıyl kóp balaly jáne áleýmettik jaǵynan az qamtylǵan otbasylardan shyqqan talantty balalarǵa oblys ákiminiń arnaıy 123 granty bólingen. Balalardyń barlyǵy aımaqqa qajetti mamandyq boıynsha bilim alyp jatyr. Al oqýyn aıaqtaǵannan keıin 5 jyl sheńbe rinde oblysta eńbek etetin bolady. Bilim salasyndaǵy úlken jańalyqtyń biri de osy.
– Mektepterde eki aýysymda bilim bergen durys. Sebebi, ǵımarat bos turmaýy kerek. Osy ýaqytqa deıin 700-den astam jańa mektep saldyq. Biraq myna jaqta apatty jaǵdaıdaǵy mektepterdiń máselesi nazardan tys qalýda. Sondyqtan osy apatty jaǵdaıdaǵy mektepter men úsh aýysymda bilim alatyn oqý oshaqtarynyń máselesin joıý kerek. Al mektepke deıingi tárbıe eń negizgi másele bolyp qala bermek. Qyzylorda oblysynda balalar balabaqshamen júz paıyz qamtylyp jatsa, ol úlken tabys,– dedi Nursultan Ábishuly.
Osymen Memleket basshysynyń Qyzylorda oblysyna jasaǵan jumys saparynyń birinshi kúni aıaqtaldy. Al erteń Elbasy jańadan salynǵan «Muz aıdynyń» qurylysymen tanysyp, «Bastaý» bıznes ortalyǵynda óńirdiń zııaly qaýymymen kezdesedi dep josparlanyp otyr.
Erjan Baıtiles,
«Egemen Qazaqstan».
Qyzylorda.
Sýretterdi túsirgen Aleksandr Kochereshenko.
