«Orient» ortalyǵynyń zertteý qyzmeti Taıaý Shyǵys jáne Ortalyq Azııa, sonyń ishinde Aýǵanstan men Qazaqstandy qamtıdy. Qazirgi ýaqytta aýǵan elinen kelgen jastar Qazaqstan Respýblıkasynyń Aýǵanstan Islam Respýblıkasyna arnalǵan Memlekettik bilim baǵdarlamasy arqyly QazUÝ-da úkimetaralyq grant negizinde bakalyr, magıstrlik jáne PhD doktorlyq baǵdarlamary boıynsha bilim alýda.
«Orient» ortalyǵynyń negizgi maqsaty Taıaý Shyǵys jáne Ortalyq Azııa elderi jýrnalıstıkasy men jańa medıa salasyndaǵy bilim berý men ǵylymı-zertteý sharalaryn uıymdastyrý, ótkizý. Ortalyq jumysynyń basty maqsaty Shyǵys elderiniń medıa naryǵy men bilim erý júıesimen birlesken mádenı-aǵartý, ǵylymı-zertteý jáne aqparattyq-ımıdjdik qyzmetti úılestirý, oryndaý sanalady.
Bıyl Qazaqstandaǵy IýNESKO-nyń bastamasymen Búkilálemdik radıo kúnine jáne Ábý Nasyr ál-Farabıdiń 1150 jyldyq mereıtoıyna arnalǵan VII Halyqaralyq jýrnalıstıka jáne kommýnıkasııa qysqy mektebine Qazaqstan, О́zbekstan, Qyrǵyzstan, Túrkııa, Aýǵanstan elderinen kelgen BAQ basshylar, redaktorlary shyǵys jýrnalıstıkasyn zertteıtin Ortalyq qurý bastamasyn qoldady.
«Shyǵys elderi jýrnalıstıkasyn zertteý Azııa elderiniń medıa mádenıetin qalyptastyrýǵa yqpal eteri sózsiz», - deıdi TOLOnews TV-niń saıası sholýshysy, Aýǵanstan jýrnalısi Abý Mýslım Shırzad.
«Orient» ortalyǵy uıymdastyrýymen «Jýrnalıstıkadaǵy erligi» úshin syılyǵy jylyna bir ret ál-Farabı atyndaǵy QazUÝ túlekteri Kabýldaǵy terraktide qyzmet babynda qaıtys bolǵan telereporter Saıd Samım men Aýǵanstanda áskerı soǵys qımyldaryna qatysqan jaýynger jýrnalıst Erjan Sultanbaev qurmetine taǵaıyndalatyn bolady. Bul shara shyǵys elderiniń jýrnalısteriniń kásbiı yntymaqtastyǵyn arttyrýǵa yqpal etedi.
