Uly Jeńis kúni merekesiniń orny bólek. О́ıtkeni, bul kúndi ári qýanyshpen ári qasiretpen eske alamyz! Uly Otan soǵysy eshkimge ońaı soqpady. Surapyl soǵys anasyn balasynan, balasyn anasynan, asqar taýdaı ákesinen aıyrdy. San myńdaǵan taǵdyrlardy talqandap kete bardy… Soldattardyń kóńiline saǵynysh sezimin uıalatty. Atalmysh qoıylymnyń aıtary da osy. Jaýǵa qarsy kúresken jaýyngerlerdiń ata-anasyna, týǵan-týys, jora-joldas, súıgen jar, balalaryna hat jazý sátinen bastaý alatyn spektaklde, Uly Jeńis jolynda jan qıǵan jaýjúrek soldattardyń erligi baıandalady. Sonymen qatar, túrli oqıǵalarǵa toly týyndy da, keshegi batyr atalarymyzdyń qaısarlyǵy sýretteledi.
Iá, soǵys jyldarynda soldat bitken qolyna qarý alyp maıdanǵa attansa, ónerpaz qaýym, kompozıtor, sazger, aqyndarymyz jaýmen betpe-bet kelgen jaýyngerler men halyqtyń rýhyn kóterý maqsatynda, qanshama shyǵarmalar týdyrdy. Olar soldattarǵa erekshe jiger, kúsh-qýat berdi. Atalǵan spektaklde sanamyzda máńgilik saqtalyp, jadymyzda jańǵyryp turar ánder de oryndalady.
Ǵajaıyp ertegidegi árbir keıipkerdiń erligi balalarǵa úlgi, ónege bolmaq. Otandy, eldi, jerdi súıýge shaqyratyn spektaklde Nur-Sultan qalasy ákimdigi qýyrshaq teatrynyń akterleri kádýilgi adam keıpinde hám qýyrshaqtar arqyly óner kórsetedi. Qoıylymdaǵy sıqyrly baqyrashqa jan bitiredi. Baqyrash bolsa, temirdeı tártip pen taýsylmas tózimniń arqasynda jaýdy jeńip shyǵady.
Bas qalamyzdyń qýyrshaq teatry súıikti de súıkimdi kishkentaı kórermenderin, «Sarbazdyń baqyrashy» atty qoıylymyn tamashalaýǵa shaqyrady. Sondaı-aq, 9-mamyr kúni qýyrshaq teatrynyń Instagram paraqshasynda, saǵat 15.00de tikeleı efırde ótetin, «Bizdiń esimizde» atty merekelik konsertinde asyǵa kútedi.
