«Zilzalanyń oshaǵy Almaty qalasynyń ońtústigine qaraı 291 km qashyqtyqta Qytaı aýmaǵynda bolǵan. Zilzalanyń energetıkalyq qýaty 12.8. Magnıtýdasy MPV 4.9. Tereńdigi 5 km. Almatyda sezilý deńgeıi 2-3 ball boldy»,-dep habarlady Tótenshe jaǵdaılar departamenti.
Polısııa departamentiniń Jedel áreket etý ortalyǵynyń málimetterinshe, polısııa qyzmetkerleri ózderine berilgen bólikterdi patrýldeý barysynda eshqandaı kúdikti áreketterdi baıqamaǵan. Turǵyndardan «112» jáne «101» nómirlerine eshkim qońyraý shalmaǵan. «Qazseldenqorǵaý» qyzmetkerleriniń habarlaýynsha, gırotehnıkalyq qurylǵyladan buzylý, shógý, jarylý sııaqty ózge de tótenshe jaǵdaılar baıqalmaǵan. О́zen saǵalarynda sýdyń laılaný deńgeıi de qalypty deńgeıde ótip jatyr.
