Bul azamattardyń barlyǵy bir otbasynyń músheleri jáne Qoıandy kentinde COVID-19 zerthanalyq túrde anyqtalǵan adammen jaqyn baılanysta bolǵan. Buǵan deıin Jańaesil aýylyndaǵy Agrotehnıkalyq kolledj bazasyndaǵy karantındik stasıonarǵa oqshaýlandyrylǵan. Qazir Kókshetaý qalasyndaǵy Aqmola oblystyq týberkýlezge qarsy dıspanserine jatqyzylǵan.
Selınograd aýdandyq Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń mamandary sanıtarlyq-epıdemıologııalyq tergeý jumystaryn júrgizip jatyr.
Bekitilgen is-qımyl algorıtmine sáıkes, vırýstyń odan ári taralýyna jol bermeý maqsatynda epıdemııaǵa qarsy sharalar qolǵa alynǵan.
COVID-19-dy Aqmola oblysynda 109 adam juqtyrǵan. Qazirgi tańda óńir stasıonarlarynda 462 pasıent jatyr, onyń ishinde provızorlyq stasıonarda — 28, karantındik stasıonarda — 418, juqpaly aýrýlar stasıonarynda — 16.
560 adam úı karantıni talaptaryn saqtap otyr.
