Aımaqtar • 10 Mamyr, 2020

Nur-Sultanda koronavırýs juqtyrǵan áıel adam deni saý sábıdi dúnıege ákeldi

180 ret

kórsetildi

1 mın

oqý úshin

Nur-Sultanda dárigerler júkti áıeldi koronavırýstan emdedi. Naýqas KVI dıagnostıkasy men emdeýdiń klınıkalyq hattamasyna sáıkes tolyq em aldy. Ol 9 mamyr kúni deni saý sábıdi dúnıege ákeldi.

Egemen Qazaqstan

Nur-Sultanda koronavırýs juqtyrǵan áıel adam deni saý sábıdi dúnıege ákeldi

Ana men balanyń Covid-19 test nátıjesi teris. Bul elorda turǵynynyń úshinshi balasy.

«Áıel adam bosanǵanǵa deıin eki kún buryn Covid-19 nátıjesi teris bolǵanyna qaramastan, balanyń qursaqta koronavırýs juqtyryp alý qaýpi boldy. №1 kópsalaly qalalyq aýrýhananyń akýsherlik blogynyń brıgadasy gınekolog-dáriger Vladımır Kalashnıkov, neonatolog-dáriger Tatıana Evtıýshkına jáne akýsher Gaýhar Dúısenbaeva, sondaı-aq qoǵamdyq densaýlyq saqtaý basqarmasynyń qyzmetkerleri eki adamnyń ómiri úshin kúresti. Nátıjesinde, sábıdiń deni saý, COVID-19 taldaý nátıjesi teris. Qazir ana men bala ózderin jaqsy sezinedi» dep habarlady elordanyń qoǵamdyq densaýlyq saqtaý basqarmasy.

9 mamyrdaǵy derekterge sáıkes elordada koronovırýsty 1004 adam juqtyrdy. 367 naýqas indetten saýyqty.