Sý sorý úshin «Qazsýshar» Respýblıkalyq Memlekettik Kásipornynyń tehnıkalary jumyldyrylǵan. Túrkistan oblysy TJD men Qazaqstannyń ózge aımaqtarynan da mobıldi toptar tartyldy.
Qazirgi tańda atalǵan aýyldarda qyzý jumys júrip, nátıjesinde sý deńgeıi orta eseppen 175 sm-ge azaıdy.
Maqtaaral aýdanynyń eldi mekenderin qurǵatý jumystary Qazaqstan IIM, "Qazsýshar" RMK jáne О́zbekstan TJM qyzmetkerleri men arnaıy tehnıkalarymen júrgizilip jatyr.
Budan bólek, Jetisaı aýdany, Qoǵaly aýylynyń janyndaǵy avtomobıl jolynyń boıynda nyǵaıtý jumystary júrgizildi.
Nurlyjol, Fırdoýsı, Orgebas, Yrysty, Jantaqsaı eldi mekenderiniń aýmaǵynda 85982 qap tóselip, uzyndyǵy 22 shq. quraıtyn qum salynǵan ýaqytsha bógetter salyndy. 80 birlik tehnıka jumyldyryldy. 3 kollektor salyndy.
Avarııalyq-qutqarý jumystaryna barlyǵy 1635 adam, 297 birlik tehnıka, 17 qaıyq, 217 motopompa jumyldyryldy.
