«Aýyl – el besigi» jobasynyń negizgi mindeti – aýyl turǵyndarynyń ómir súrý sapasyn jaqsartý. Bul degenimiz, áleýmettik-ınjenerlik ınfraqurylymdy jańartý, áleýmettik ıgilikterdiń qoljetimdiligin arttyrý jáne jaıly orta qalyptastyrý.
– «Aýyl – el besigi» jobasy aıasynda bizdiń eldimekenge osy jyly 6 baǵyt boıynsha 1 jarym mıllıard teńge bólindi. Onyń 4-ýi joldardy ortasha jóndeý jumystaryna, 1-ýi «Kókshe» mádenıet úıine kúrdeli jóndeý júgizýge, taǵy 1-ýi jańa qazandyqtan eldimekenniń kósheleri boıynsha ótetin jylý júıelerine baǵyttaldy,–deıdi Krasnyı ıar selosynyń ákimi Nurlan Aısın.
Josparlanǵan jumystar 5-shi sáýirden bastap iske asýda. Arnaıy tehnıkalardyń kúshimen 100 myń sharshy metr aýmaqqa topyraq tógildi. Sondaı-aq, 79 myń sharshy metr joldardyń jartysyna qıyrshyq tas tóseldi.
– Búginde 6-7 kóshe asfalttaýǵa daıyn tur. Aıaqtaý merzimi qyrkúıek aıyna deıin, alaıda, biz ony erterek bitiremiz dep otyrmyz. Osy aptanyń aıaǵynda asfalttaý jumystaryn bastaımyz,–deıdi «Kókshe agroınvest» seriktestiginiń ınjeneri Rýslan Baıjigitov.
«Jol aktıvteriniń sapasy» respýblıkalyq ortalyǵymen kelisim shart jasalǵan. Barlyq taýarlardyń sapasy zerthanalyq ádis arqyly tekserilýde. Jalpy, Krasnyı Iаr aýylynda 24 kóshede jáne «Nurly kósh» yqsham aýdanynda jóndeý jumystary jasalý qajet. Olardyń jalpy aýmaǵy 25 shaqyrym. Jóndeý jumystaryna 25 maman men 23 tehnıka jumyldyrylǵan. Bul jumystar 31 tamyzǵa deıin aıaqtalmaq.
