Foto: Ashyq derekkóz
Atap aıtqanda, soltústik, shyǵys jáne ońtústik-shyǵys óńirlerde jaýyn-shashynsyz, jyly aýa raıy saqtalady.
Al batys óńirlerge ońtústik sıklon áser etedi. Sonyń saldarynan munda aýa raıy turaqsyz sıpat alyp, jańbyr men jel kúsheıedi. Sıklon shyǵysqa qaraı jyljyǵan saıyn onyń yqpaly keńeıip, soltústik, ortalyq jáne ońtústik oblystarda naızaǵaıly jańbyr jaýyp, keı jerlerde nóser jaýyn bolýy múmkin.
Sınoptıkterdiń málimetinshe, keı óńirlerde jeldiń kúsheıýi jáne kúndiz soltústik-batysta burshaq túsýi yqtımal. Sonymen qatar túngi jáne tańǵy saǵattarda tuman túsýi kútiledi, bul kólik qozǵalysyna áser etýi múmkin.
Eske salaıyq, 1 sáýirde elimizde 30 gradýs ystyq bolǵan.
Kúndizgi temperatýralyq kórsetkishter de óńirlerge qaraı ártúrli bolady. Soltústik-batys pen soltústikte aýa temperatýrasy +15…+25°S-tan +12…+20°S-qa deıin tómendeıdi, al ońtústikte +27…+32°S-tan +18…+25°S-qa deıin salqyndaıdy.
Batys óńirlerde kerisinshe, +13…+20°S-tan +18…+25°S-qa deıin jylynady, bul sıklonnyń áserimen baılanysty. Shyǵysta temperatýra +18…+26°S shamasynda kóteriledi, al ortalyq óńirlerde +15…+25°S deńgeıinde turaqtaıdy. Ońtústik-shyǵysta aýa temperatýrasy +25…+30°S shamasynda saqtalady.
