Bul – halyqqa qoljetimdi baspana alýǵa múmkindik beretin memlekettik baǵdarlama. Onyń basty ereksheligi – jyldyq mólsherlemesi nebári 7%. Baǵdarlamaǵa elimizdiń barlyq azamattary qatysa alady. Alaıda qaryz alýshynyń jáne onyń jubaıynyń sońǵy 18 aı ishinde turǵyn úıi bolmaýy kerek.
Oljas Bektenov kommersııalyq ıpoteka kólemin arttyrýdy tapsyrdy
Jalpy alǵanda, jyl saıyn baǵdarlamaǵa 100 mlrd teńge bólinedi. Bul qarjyǵa shamamen 5,5 myńǵa jýyq ıpotekalyq nesıe rásimdeledi.
Baǵdarlamanyń negizgi sharttary:
– paıyzdyq mólsherleme – 7%;
– bastapqy jarna – keminde 20%;
– nesıe merzimi – 25 jylǵa deıin;
– qaryzdyń eń joǵary somasy:
30 mln teńgege deıin Astana, Almaty qalalary men olardyń janynda ornalasqan aımaqtardan, sondaı-aq Aqtaý, Atyraý, Shymkent qalalarynan úı alýǵa bolady;
25 mln teńgege deıin Qaraǵandy qalasynan rásimdeı alasyz;
20 mln teńgege deıin basqa óńirlerden qarastyrýǵa bolady.
Baǵdarlama aıasynda tek jańa salynǵan turǵyn úı satyp alynady. Iаǵnı, páterdi qurylys kompanııalarynan óz betińizshe izdeý qajet. Sonymen qatar, úı tolyq paıdalanýǵa berilgen bolýy tıis. Qurylysy júrip jatqan nemese ekinshi naryqtaǵy baspanaǵa bul ıpoteka berilmeıdi.
Qandaı bankter qatysady:
Baǵdarlama boıynsha ıpotekany tek 7 bank usynady:
Halyk Bank,
Bank SentrKredıt,
Freedom Bank Qazaqstan,
Eýrazııalyq bank,
Bank RBK,
ForteBank,
Altyn Bank.
Al «Otbasy bank» bul baǵdarlamaǵa qatyspaıdy.
О́tinim berý tártibi
Ipotekaǵa ótinishti azamattar ózderi beredi. Kóptegen bankterde aldyn ala ótinimdi saıt nemese mobıldi qosymsha arqyly onlaın joldaýǵa bolady. Bul kezde naqty tańdalǵan páterdiń kadastrlyq nómiri men qurylys kompanııasynyń BSN-in kórsetý qajet.
Negizgi ótinim, ádette, bank bólimshesinde rásimdeledi. Biraq munda bir táýekel bar: aldyn ala jáne negizgi ótinimniń arasynda birneshe aı ótýi múmkin. Osy ýaqyt ishinde tańdalǵan páter satylyp ketse, ótinimdi qaıta tapsyrýǵa týra keledi.
Nelikten ótinimder shekteýli qabyldanady?
Baǵdarlamanyń taǵy bir ereksheligi – bankterge aldyn ala qarjy bólinbeıdi. Olar ıpotekany óz qarajaty esebinen beredi, keıin «Qazaqstannyń ornyqtylyq qory» belgilengen lımıt sheginde sol nesıelerdi satyp alady.
Sondyqtan bankter lımıtten asyp ketpeýge tyrysady. Bul óz kezeginde ótinim qabyldaýdyń shektelýine áser etedi.
2026 jyldyń qańtarynan 26 naýryzyna deıin el boıynsha 1202 ıpotekalyq qaryz berilip, jalpy somasy 24 mlrd teńgeni quraǵan.
Eń kóp nesıe berilgen qalalar:
– Astana – 467;
– Almaty – 331;
– Shymkent – 190.
Al Soltústik Qazaqstan, Pavlodar, Qyzylorda jáne Mańǵystaý oblystarynda nebári 1-3 qaryzdan ǵana rásimdelgen.
