El aýmaǵynda tótenshe jaǵdaı rejımi toqtatylǵanymen, karantındik saqtyq sharalary tolyq atqarylýy tıis. Arnaıy brıfıng barysynda óńirdegi qoǵamdyq kólik qozǵalysy, saýda oryndarynyń, qyzmet kórsetý nysandarynyń, balabaqshalar men ózge de nysandardyń jumys kestesi málim boldy.
Qazirgi tańda 20 myńnan astam aqmolalyq koronavırýsty anyqtaýǵa test tapsyrǵan. Zertteý qorytyndysy boıynsha 110 azamattyń aýrýǵa shaldyqqany rastaldy. Onyń 96-sy Selınograd aýdanynda tirkelgen. О́tken aptada oblys boıynsha vırýstyń taralý deńgeıi 1,3 paıyzdy quraǵan. Jalpy bul kórsetkish 3 paıyzdan tómen deńgeıde saqtalyp otyr. Bul oblystaǵy edımemıologııalyq jaǵdaıdyń turaqty ekendigin aıǵaqtaıdy.
– Vırýstyń túbegeıli joıylmaýy saldarynan bul talaptar saqtalyp otyr. Áli de aýrý juqtyrý derekteri tirkelýde. Bul talaptardy saqtaý kúndelikti ómir tártibine enýi tıis. Eger saqtyq sharalary tıisti deńgeıde bolmasa, aýrýdyń órshý qaýpi bar. Jalpy, vırýstyq aýrýlardyń merzimdik sıpatqa ıe ekeni belgili. Sondyqtan, kúz aılarynda karonavırýstyń órshý qaýpi bar,–deıdi oblystyń bas sanıtarlyq dárigeri Aınagúl Mýsına.
О́ńirde 70 blok-beket qyzmetin jalǵastyrady. Eldi mekenderge kelip-ketýshi turǵyndar «Qoldaý», «Sergek» júıeleriniń kómegimen ruqsat qujattaryn alýy tıis. Tótenshe jaǵdaı rejımi toqtatylǵanymen, karantın sharalary saqtalady. Iаǵnı, turǵyndar sanıtarlyq talaptardy tolyq saqtaýy tıis.
– Mamandardyń boljamy boıynsha vırýstyń taralýynyń joǵarǵy shegi áli tolyq ótken joq. Birqatar óńirlerde aýrý taralýy áli de órship tur. Jaǵdaıdyń baqylaýdan shyǵyp ketýi múmkin. Aýrýdyń órshýi oryn alǵan jaǵdaıda oblystyń medısına mekemelerinde qajetti qural-jabdyqtar jetkilikti,–deıdi Aınagúl Mýsına.
Jýyq arada balabaqshalar ashylady dep kútilýde. Mektepke deıingi bilim berý mekemelerinde dezınfeksııalaý sharalary men karantın talaptary tolyq oryndalady. Toptaǵy búldirshinder sany da 15-ten aspaýy tıis. Budan bylaı, aýmaǵy 2 myń sharshy metrge deıingi saýda oryndary keshki saǵat altyǵa deıin jumys isteıdi. Sport jáne mádenıet nysandary, halyqqa qyzmet kórsetý ortalyqtary da qyzmetin jandandyrady. Qoǵamdyq oryndarda 2 metrlik áleýmettik araqashyqtyq saqtalýy tıis.
