Atalǵan aksııanyń ekinshi kezeńinde volonterler qataryna qazaqstandyq ánshiler, telejúrgizýshiler, akterler jáne t.b. óner qaıratkerleri qosyldy. Nur-Sultan qalasyndaǵy volonterlerge Tursynbek Qabatov, Jeńis Seıdollauly, Marjan Arapbaeva jáne Ádil Ahmetov kómektesti.
«Men osy jerde kelip, atalǵan naýqanǵa volonter retinde qatysyp jatqanyma qýanyshtymyn. Mundaı qıyn kezeńde jastardyń halyqqa úlken jaýapkershilikpen kómektesip jatqany qýantady. Osy pandemııa tezirek aıaqtalǵanyn qalaımyz, beıbit tirshiligimizge oralsaq deımiz. Qashanda aspanymyz ashyq bolyp, elimizdiń tynyshtyǵy buzylmasyn dep tileımin. Azamattardy tótenshe jaǵdaı erejelerin saqtaýǵa shaqyramyn», dedi Tursynbek Qabatov.
Búginge deıin jasotandyqtar respýblıka boıynsha 65 myńnan astam otbasyn áleýmettik sebettermen qamtamasyz etti. Volonterler úlestiretin ár qorapta 30 kılodan astam azyq-túlik bar. Oǵan birinshi qajettiliktegi azyq-túlik ónimderi, jarma, makaron, kúnbaǵys maıy jáne shaı sekildi taýarlar kiredi. Sondaı-aq azyq-túlikpen birge ár otbasyna 50 betperde tabystalady. Bul jumysqa 3000-nan astam Jas Otannyń volonteri jumyldyryldy.
Tuńǵysh Prezıdent – Elbasy, Nur Otan partııasynyń kóshbasshysy Nursultan Nazarbaevtyń tapsyrmasy boıynsha qurylǵan «Birgemiz» qory búgingi tańda 152 000 az qamtylǵan otbasyna 50 000 teńgeden qarjylaı kómek kórsetti.
Sondaı-aq qor Nur-Sultan jáne Almaty qalalarynyń 2000-nan astam dárigerine
50 000 teńge kóleminde aqshalaı qoldaý kórsetti.
