Júzý ortalyǵynyń jumysy karantın jarııalanǵan kúnnen-aq toqtady. Eki aıdan beri ujym jattyǵýǵa keletin balǵyndar men súıikti isterin taǵatsyzdana kútýge májbúr boldy. Budan bólek, kommýnaldyq qyzmet pen jaldaý aqysy, jattyqtyrýshylardyń jalaqysy taǵy bar. Akva jattyǵýlardy úıde otyryp, onlaın túrinde oryndaýǵa áste múmkindik joq.
–Instagramm jelisi jarylýǵa shaq qaldy. Jattyqtyrýshylar jumysqa kirisýge ázir. Jumysty birtindep bastaý úshin kezeń-kezeńge bólip tastadyq. Alǵashynda basseınde bir jattyqtyrýshy jáne eki bala bolady. Bala sany budan aspaıdy. Eger nysannyń jaldaý qunyn qymbattatpasa, jattyǵý baǵasy sol kúıinde qalady,–deıdi jattyqtyrýshy Dına Ýsına.
Ádil Abaı júzýden jattyqtyrýshy. Ol bes jasqa deıingi balalardy jattyqtyrady. Karantın kezinde balalarmen telefon arqyly únemi baılanysta boldy.
–Jattyǵýdy birtindep qaıta bastaımyz. Ata-analardyń keıbiri karantınniń tolyq aıaqtalǵanyn kútip otyr,–deıdi jattyqtyrýshy Ádil Abaı.
Regına Knıazıýk fıtnes-klýb jabylǵannan keıin Instagramm jelisinde jabyq akkaýnt ashyp, jumysyn uıymdastyrdy. Bıznesi tabys ákelmegenimen, karantın aıaqtalǵannan keıin de qyzmet aqysyn qymbattatpaımyn,–deıdi ol,–men qyzmetimdi tipti búginnen bastap ta ashýǵa ázirmin. Endi sheshimdi kútip otyrmyz,–deıdi fıtnes nusqaýshysy Regına Knıazıýk.
Oblystaǵy bas sanıtarlyq dárigerdiń qaýlysyna sáıkes mektepke deıingi balalarǵa arnalǵan úıirmeler jumysyna ázirge ruqsat joq. Sondaı-aq túrli saıystar uıymdastyrýǵa da tyıym salynǵan. Karantın kezinde aımaqta 32 dáris, 800-den astam shara onlaın túrde ótkizilgen bolatyn.
