Týrızm salasynyń ókilderi karantın aıaqtalǵan soń Býrabaı baýraıy jyldaǵy dástúr boıynsha kelim-ketimdi kisige lyq tolady dep úmitti. Sońǵy jyldary qyzmet kórsetý aıasy kemip, jetile túsken bolatyn.
–Biz Shýchınsk-Býrabaı týrıstik marshrýtyn damytýǵa baılanysty máseleler qaralǵan onlaın jıynǵa qatystyq. Oǵan «Týrbıznes», Ulttyq kásipkerler palatasy, «Qazaqtýrızm», oblystyq týrızm basqarmasy qatysty. Sondaı-aq karantın kezinde biz týrıstik nysandarmen onlaın rejımde baılanys ornattyq. Karantın aıaqtalǵan soń jazǵy maýsymdy bastaýǵa qatysty suraqtarǵa jaýap izdedik,–deıdi Býrabaı aýdandyq dene shynyqtyrý, sport jáne týrızm bóliminiń jetekshisi Azamat Baımuqanov.
Jazǵa jasalǵan jospar kóp. Atap aıtqanda, jyl saıynǵy ıoga men bard ánder festıvaldary, «Burabike Fest» sporttyq sharasy, «Qansonar» halyqaralyq týrnıri ótkizilý kerek edi. Jańa nysandardyń qurylysy da qolǵa alynǵaly otyr.
–Bıyl «Býrabaı damý» jaýapkershiligi shekteýli seriktestigi «Vızıt ortalyǵynyń» aýmaǵynda úlken jobanyń qurylysy bastalmaq. Ol nysan - bıiktigi 42 metr sholý sheńberi bolmaq. Aınalasynda attraksıon salynady. Bul joba týrısterdi tartýǵa septigin tıgizedi,–deıdi Azamat Baımukanov.
Týrısterge arnalǵan taǵy bir jaqsy habar bar. Abylaı han alańynda zamanaýı 3D murajaıy, jańa kádesyılar dúkeni jáne dámhana ashylmaq. Býrabaı kentinde iri saýda ortalyǵy salynady. Bul aýqymdy jospardyń barlyǵy koronavırýs indeti toqtap, jaǵdaı turaqtanǵan soń júze asady.
Aqmola oblysy
