Almaty qalasynda «Qazkontent» aksıonerlik qoǵamynyń uıymdastyrýymen qyrkúıektiń 25-27-kúnderi aralyǵynda ótetin «Qalamger Azamat» respýblıkalyq jas tilshilerdiń V forýmy «El eńsesi – egemendik» atty taqyryppen óz jumysyn bastady.
Almaty qalasynda «Qazkontent» aksıonerlik qoǵamynyń uıymdastyrýymen qyrkúıektiń 25-27-kúnderi aralyǵynda ótetin «Qalamger Azamat» respýblıkalyq jas tilshilerdiń V forýmy «El eńsesi – egemendik» atty taqyryppen óz jumysyn bastady.
Forýmnyń basty maqsaty – jastardy otansúıgishtikke, eljandylyqqa shaqyra otyryp olardyń júregine patrıottyq sezim ornatýǵa úles qosý, sondaı-aq, óskeleń urpaqtyń kásibı biliktiligin shyńdaıtyn zamanaýı zańdylyqtardy meńgerýge múmkindik týǵyzý, deıdi uıymdastyrýshylar.
Atalmysh forýmǵa jýrnalıstıka salasynda alǵashqy qadamyn bastaǵan 18-25 jas aralyǵyndaǵy jas qalam ıeleri qatysýda. Olar «Qazaq baspasóziniń damýy», «Telebaǵdarlamalar men jańalyqtar sıýjetteriniń búgingi sapasy qaı deńgeıde?», «Qazaq tilindegi ınternet resýrstarynyń damýy», «Creative Commons lısenzııalary men ony qazaqstandyq keńistikte qoldaný máseleleri» jáne «Mýltımedıalyq jýrnalıstıka» atty taqyryptardy qaýzaıtyn alqaly pikiralmasýlar men túrli semınar-trenıngterge qatysatyn bolady.
Mádenıet jáne aqparat mınıstrligi, Almaty qalasy ákimdigi men Memlekettik tildi damytý prezıdenttik qory qoldaý kórsetip otyrǵan forým jas tilshilerge aqparattyq tájirıbe almasý baǵytynda túrli salada qalam terbeýge, jýrnalıstıkanyń qyr-syryn úırenýge keń jol ashady.
Qanat ESKENDIR,
«Egemen Qazaqstan».
ALMATY.
