Sıfrlyq damý mınıstrliginiń Memlekettik qyzmetter komıteti tóraǵasynyń orynbasary Ádilet Kósherbaev atap ótkendeı, memlekettik tizilimde 694 qyzmet bolsa, onyń 49-y anyqtama.
«Búgingi tańda azamattarǵa osy anyqtamalardy bir memlekettik organǵa usynýy úshin ony ekinshi bir memlekettik organnan suraýyna týra kelýde. Bul qaǵazbastylyq pen bıýrokratııaǵa ákeledi. Sondyqtan memlekettik organǵaazamattyń ruqsatyn ala otyryp, óz áriptesterinen ala alatyn birqatar anyqtamany joıý usynylady», - dedi Kósherbaev.
Bul rette memlekettik organdar aqparattyq júıelerdegi derekter bazasyn ıntegrasııalaý arqyly qajetti málimetterdi ala alady. Al aqparatty basqa adam nemese negizgi aqparattyq júıelerdi paıdalanýǵa ruqsaty joq uıym suratqan jaǵdaıda, azamat úshinshi tulǵaservısi arqyly ózi týraly málimetterdi usynýǵa ruqsat bere alady nemese bas tarta alady.
Tizilimnen shyǵarýǵa usynylǵandardyń qatarynda «Sottylyqtyń bolýy nemese bolmaýy týraly», «Ýaqytsha eńbekke jaramsyzdyǵy», «Memlekettik jer kadastrynan málimetter berý» jáne t. b.anyqtamalar bar.
Vedomstvoaralyq komıssııanyń tóraǵasy – Sıfrlyq damý, ınnovasııalar jáne aeroǵarysh ónerkásibi mınıstri Asqar Jumaǵalıev otyrysqa qatysýshylardyń nazaryn memlekettik organdardyń osy proseske tehnıkalyq daıyndyǵynyń mańyzdylyǵyna aýdardy.
«Memleket basshysy bizdiń aldymyzǵa keńes alý, anyqtama alý jáne ótinish berý operasııalaryn onlaınǵa kóshirý mindetin qoıdy. Biz bul turǵyda memlekettik qyzmetterdi proaktıvti tásilmen kórsetý kerek dep sanaımyz. Sondyqtan memlekettik organ ózi ala alatyn anyqtamany joıýykerek. Alaıda, barlyq memlekettik organdar buǵan tehnıkalyq jaǵynan daıyn bolýy kerek, sodan keıin qajetti ıntegrasııany ýaqtyly ótkizbeýine baılanysty joıylǵan anyqtamalardy azamattardan talap etpeýi mańyzdy»,-dep qortyndylady Jumaǵalıev.
Komıssııanyń osynyń aldyndaǵy otyrystarynyń sheshimimen 5 túrli anyqtamanyń joıylǵanyn aıtyp ótken jón. Olardyń qatarynda: mekenjaı anyqtamasy, joǵary oqý ornyn jáne odan keıingi bilimdi aıaqtamaǵan tulǵalarǵa anyqtama berý jáne t.b. Osynyń nátıjesinde qaǵaz qujat aınalymyn 14 mln qujatqa qysqartý múmkin boldy.
Budan basqa, VAK 25 anyqtamany tizilimnen shyǵarý týraly sheshim qabyldaǵan edi, búgingi kúni osy baǵytta ýákiletti memlekettik organdar tehnıkalyq jáne zań sharalaryn retteýde. Jyldyń sońyna deıin bul anyqtamalarjoıylmaq.
Sonymen qatar, otyrysta eńbek jáne halyqty áleýmettik qorǵaý, mádenıet jáne sport, qarjy, ishki ister, densaýlyq saqtaý jáne t. b. salalardaǵy memlekettik qyzmetterdi ońtaılandyrý jáne avtomattandyrý máseleleri qaraldy.
