Qos memleket basshylary Q.Toqaev pen Sh.Mırzıeevtiń jýyrdaǵy kelissózderi kezinde qol jetkizilgen ýaǵdalastyqty iske asyrý úshin Taraptar Qazaqstan men О́zbekstan arasyndaǵy sý sharýashylyǵyndaǵy keń aýqymdy mańyzdy məselelerdi talqylady.
Kezdesýdiń basty taqyrybynyń biri - Sardoba sý qoımasynyń taǵdyry.
Qazaqstannyń Ekologııa mınıstrligi basshysy M. Myrzaǵalıev kezdesý kezinde dambanyń jarylýy О́zbekstan men Qazaqstan aýmaǵyndaǵy sý basqan aımaqta turatyn halyqqa zor ekonomıkalyq zardap keltirgenin atap ótti.
«Kelissózder barysynda biz halyqaralyq uıymdardyń, qazaqstandyq sarapshylardyń kómegimen Sardoba sý qoımasyna tehnıkalyq aýdıt jasaý týraly birlesken sheshim qabyldadyq. Onyń qorytyndysynda bul nysannyń odan arǵy taǵdyry týraly sheshim shyǵarylady», - dedi Qazaqstannyń Ekologııa mınıstrligi basshysy.
Taraptar transshekaralyq sý nysandaryn birlese basqarý, paıdalaný jəne qorǵaý týraly Úkimetaralyq kelisimdi əzirlep, oǵan qol qoıýǵa ýaǵdalasty.
Kezdesý barysynda Taraptar aǵymdaǵy jylǵy 15 maýsymǵa deıin sý baılanysy salasyndaǵy yntymaqtastyq məselesi jónindegi Jol kartasyn əzirlep, bekitýge kelisti.
«Negizgi sý sharýashylyǵy jerlerindegi sý jınalýdy monıtorıngileý jəne baqylaý úshin birlesken jumys tobyn uıymdastyrý týraly sheshimge qol jetkizildi», - dedi M.Myrzaǵalıev.
Kezdesýge qatysýshylar Syrdarııa ózeni sý resýrstarynyń sý sharýashylyq balansy boıynsha birlesken jumystar júrgizýge kelisip, Qaradarııa men Shyrshyq ózenderinen sý alý lımıti məselesin odan arǵy talqylaýdyń múmkindigin qarastyrdy.
