Qazaqstan Respýblıkasynyń «Normatıvtik quqyqtyq aktiler týraly» Zańynda jáne zań jobalaý jumysyn uıymdastyrý qaǵıdalarynda zań jobalaryn ázirleý kezinde saqtalatyn naqty erejeler qarastyrylǵan. Mindetti talaptardyń biri - zań jobalaryn ǵylymı-lıngvıstıkalyq saraptaý.
«Bul jaǵdaılar beıbit jınalystar týraly zań jobalaryn ázirleý kezinde eskerildi, zań jobalarynyń mátini Parlamentte talqylanýǵa deıin eki ret qajetti tekserýler men lıngvıstıkalyq saraptamadan ótti. Ǵylymı-lıngvıstıkalyq tekserýler nátıjeleri boıynsha barlyq eskertýler eskerilip, qateler túzetildi» delingen habarlamada.
Mınıstrlik Parlamentke usynylǵan jobada qate bolmaǵanyn aıtady.
«Zań jobalary Parlamentke usynylǵan kezde olarǵa ilespe qujattar, onyń ishinde ǵylymı-lıngvıstıkalyq saraptama qorytyndylary qosa beriledi. Anyqtalǵan qatelikter týraly aqparat beıbit jınalystar týraly zań jobalarynyń bastapqy nusqasyna qatysty, zań jobalary Parlamentke jiberilgenge deıin bul qateler joıyldy» delingen mınıstrlik bergen túsiniktemede.
