Ol «Júrek jomarttyǵy» dep atalady, bul jobany «AIаLA» qaıyrymdylyq qory iske asyrdy. 2007 jyly qurylǵan qory 13 jyl boıy medısına men bilim berý salasyndaǵy jobalarmen jumys júrgizip keledi.
Áýel bastan atalmysh qor ózin medısına salasynda tanyta aldy. Qor búkil el aýmaǵyndaǵy aýrýhanalarǵa ornatqan zamanaýı reanımasııa jabdyqtary arqyly Qazaqstanda on myńdaǵan balalardyń ómiri qutqaryldy. Demeýshilik qarajattar men qarapaıym qazaqstandyq azamattardyń qaıyrymdylyǵynan jınalǵan 3 mıllıard teńgeden asatyn soma osy maqsattarǵa jumsaldy.
«AIаLA» qorynyń bilim berý salasyndaǵy jobalary da bar. Olardyń eń sońǵysy – mektep-ınternattar men balalar úıleriniń jasóspirimderi úshin belsendi usynylyp otyrǵan kásibı beıimdeý kýrstary. Olardy qarjylandyrý jalpy qarjy eseptiliginde ashyp kórsetiledi. Uıym qurylǵan kezden bergi barlyq qarjylyq áreketter tolyqtaı ashyq jáne www.ayala.kz saıtynda memlekettik bilim berý jáne medısına mekemelerine kómek kórsetý «AIаLA» qaıyrymdylyq qory úshin basym baǵyt ekeni týraly aqparat bar. Alaıda mamyr aıynda qor óziniń basym baǵytyn sál ózgertip, Nur-Sultan qalasyndaǵy kúnkórisi tómen 100 otbasyna azyq-túlik qorjynymen kómek kórsetý úshin «Qolda» jobasynyń sheńberinde qarjy aldy.
«Qazir koronavırýs pandemııasynyń saldarynan talaı adam qıyndyq kórip jatyr, sondyqtan biz kómektese alatyn jerde járdem berýimiz mańyzdy jáne kerek dep sheshtik»,- deıdi «AIаLA» qorynyń prezıdenti Aıdan Súleımenova.
Búgingi kúni «AIаLA» qory elorda ákimdiginen alǵan tizim boıynsha barlyq 100 azyq-túlik qorjynynyń sátti jetkizilgenin habarlaıdy. Joba úılestirýshisi árbir mekenjaıdy egjeı-tegjeıli tekserdi. Ol jumyssyz jáne tirshilikke qarajatsyz qalǵan analarmen telefonmen saǵattap sóılesti. Tizimge kirgen birneshe otbasy kómekten ózderi bas tartty. Ol osy qıyn ýaqytta sút, kilegeı, aıran, sarymaı, shujyq, irimshik, jemis-jıdek pen kókóniske, sondaı-aq shaı, kofe, jumyrtqa, balyq jáne et konservilerine, jarmalar, qant, jýý zattary men gıgıena zattaryna shynymen muqtaj bolyp otyrǵan adamdarǵa jiberildi.
Sondaı-aq, Eýrazııa Ortalyq Azııa Qorynyń «Qolda» shuǵyl kómek jobasy «Shevron» kompanııasymen seriktese otyryp, karantınniń elge keri yqpalyn azaıtý úshin, qoǵamdyq jáne eriktiler uıymdaryna qoldaý kórsetti. Bul týraly halyqtyń BAQ arqyly habardarlyǵyn arttyrý jaǵy da qarastyryldy.
«Bizdiń konkýrsqa ÚEU-dan berilgen ótinimderdiń sapasy óte joǵary boldy. Grant komıteti 11 joba úshin 24 mln teńge bóldi. Olar medısına jumyskerlerine qoldaý kórsetý bastamalaryna, halyqtyń osal toptary men mıgranttarǵa gýmanıtarlyq kómek kórsetýge, azamattyq qoǵamdy pandemııa saldarlarymen kúreske qaýipsiz tartýǵa, jumys oryndaryn qurýǵa baǵyttaldy. «Júrek jomarttyǵy» jobasyn iske asyrý kezindegi «AIаLA» qorynyń kásibı deńgeıin atap ótkimiz keledi. Bul qordyń qyzmetkerleriniń jaýaptylyǵynyń jáne aıryqsha yntasynyń arqasynda shynaıy muqtaj adamdarǵa kómektiń jetkenine qýanyshtymyz»,- dedi Qazaqstandaǵy EOAQ atqarýshy dırektory Rınad Temırbekov.
ALMATY
