Prezıdent tótenshe jaǵdaı máseleleri boıynsha ózgerister engizilgen zańǵa qol qoıdy

QAZAQSTAN RESPÝBLIKASYNYŃ ZAŃY

Qazaqstan Respýblıkasynyń keıbir zańnamalyq aktilerine tótenshe jaǵdaı máseleleri boıynsha ózgerister men tolyqtyrýlar engizý týraly

1-bap. Qazaqstan Respýb­lı­ka­synyń myna zańnamalyq akti­lerine ózgerister men tolyq­tyrýlar engizilsin:

1. «Tótenshe jaǵdaı týraly» 2003 jylǵy 8 aqpandaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2003 j., №3, 18-qujat; 2006 j., №2, 14-qu­jat; 2007 j., №9, 67-qujat; 2008 j., №6-7, 27-qujat; 2009 j., №8, 44-qujat; 2010 j., №7, 32-qujat; 2011 j., №5, 43-qujat; 2013 j., №14, 72-qujat; 2014 j., №7, 37-qujat; 2015 j., №1, 2-qujat; 2017 j., №11, 29-qujat; 2018 j., №24, 93-qujat; 2019 j., №5-6, 27-qujat):

1) 4-taraýdyń taqyryby mynadaı redaksııada jazylsyn:

«4-taraý. Tótenshe jaǵdaı ke­zinde jáne osyǵan baılanys­ty týyndaǵan áleýmettik-ekono­mı­kalyq saladaǵy daǵdarys jaǵ­daıynda qoldanylatyn sharalar men ýaqytsha shekteýler»;

2) 15-bapta:

birinshi abzas mynadaı redaksııada jazylsyn:

«1. Tótenshe jaǵdaı engizilgen kezde onyń qoldanylý kezeńinde mynadaı negizgi sharalar men ýaqytsha shekteýler:»;

mynadaı mazmundaǵy 2-tar­maqpen tolyqty­ryl­syn:

«2. Tótenshe jaǵdaı engizilgen kezeńde jáne osyǵan baılanysty týyndaǵan áleýmettik-ekonomıkalyq saladaǵy daǵdarys jaǵdaıynda eldiń ekonomıkalyq qaýipsizdigin qamtamasyz etý úshin Qazaqstan Respýblıkasy Pre­zı­dentiniń aktilerine sáıkes salyq, bıýdjet, keden, bank, eńbek zań­namasynyń, monopolııaǵa qar­sy zańnamanyń, halyq densaý­lyǵy men densaýlyq saqtaý júıe­si, memlekettik satyp alý, va­lıýtalyq retteý týraly, aza­mat­tardy áleýmettik qorǵaý, mem­lekettik múlik salalaryn­daǵy, básekelestikti qorǵaý, memle­ket­tik baqylaý jáne qadaǵalaý, eldiń halyqaralyq mindettemelerin is­ke asyrý máseleleri jónindegi zań­na­manyń qoldanylý erekshelikteri belgilenýi múmkin.»;

3) 21-bap mynadaı redaksııada jazylsyn:

«21-bap. Tótenshe jaǵdaıdyń qoldanylýyn toqtatýdyń  quqyqtyq saldarlary

1. Tótenshe jaǵdaı rejımin qamtamasyz etý maq­satynda qabyldanǵan jáne jeke tulǵalardyń quqyqtary men bostandyqtaryn, sondaı-aq zańdy tulǵalardyń quqyqtaryn ýaqytsha shekteýge baılanysty normatıvtik quqyqtyq aktiler tótenshe jaǵdaı engizilgen merzim ishinde ǵana qoldanylady jáne osy Zańnyń 15-babynyń 2-tarmaǵyna sáıkes qabyldanǵan aktilerdi qospaǵanda, tótenshe jaǵdaıdyń qoldanylýynyń toqtatylýymen bir mezgilde bul týraly arnaıy habardar etilmeı kúshin joıady.

Osy Zańnyń 15-babynyń 2-tarmaǵyna sáıkes qabyldanǵan quqyqtyq aktilerdiń erejeleri, eger Qazaqstan Respýblıkasynyń Prezıdentimen nemese onyń tapsyrmasy boıynsha Qazaqstan Respýblıkasy Prezıdentiniń Ákimshiligimen kelisý boıynsha aktilerdiń ózinde ózgeshe qoldanylý merzimi belgilenbese, tótenshe jaǵdaıdyń qoldanylý merzimi aıaqtalǵanǵa deıin qoldanylady.

2. Tótenshe jaǵdaıdyń qoldanylýyn toqtatý tótenshe jaǵdaı rejımin buzý týraly ister boıynsha ákimshilik is júrgizýdiń toqtatylýyna alyp keledi.».

3. «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2016 j., №7-I, 46-qujat; 2017 j., №14, 51-qujat; №16, 56-qujat; 2018 j., №10, 32-qujat; №14, 44-qujat; №16, 53, 55-qujattar; №19, 62-qujat; 2019 j., №2, 6-qujat; №15-16, 67-qujat; №21-22, 90, 91-qujattar):

46-baptyń 1-tarmaǵy:

«toqtata turý» degen sózderden keıin «, osy tarmaqtyń ekinshi bóliginde kózdelgen jaǵdaılardy qospaǵanda,» degen sózdermen tolyqtyrylsyn;

mynadaı mazmundaǵy ekinshi bólikpen tolyqtyrylsyn:

«Normatıvtik quqyqtyq aktiniń nemese onyń jekelegen normalarynyń qoldanysy «Tótenshe jaǵdaı týraly» Qazaqstan Respýblıkasy Zańynyń 15-babynyń 2-tarmaǵynda kózdelgen jaǵdaıda jáne tártippen toqtatyla turýy múmkin.».

2-bap. Osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi jáne 2020 jylǵy 15 naýryzdan bastap týyndaǵan quqyqtyq qatynastarǵa qoldanylady.

Qazaqstan Respýblıkasynyń Prezıdenti Q.TOQAEV

Nur-Sultan, Aqorda, 2020 jylǵy 16 mamyr

№330-VI QRZ