Bir ǵana bronejılettiń jasalý prosesinde 30-dan astam operasııa bar. Áskerı qorǵanysh kıiminiń eń aldymen qaǵaz betine syzbasy jasalyp, keıin tapsyrysqa saı oryndalady. Olar kóbine oq pen sýdan qorǵaıdy. Eń basty qorǵanysh quraly ol brono plıtalar. Olar arnaıy qurylǵyda jasalady. Keıin ár bóligi jeke jeke daıyndalyp biriktiriledi. Jalpy bir táýlikte 200-den astam bronejılet ázirlenedi deıdi mamandar.
– Bronejılettiń ártúrli túrleri bar. Joǵary klasty áskerı qorǵanysh kıimderiniń baǵasy da qymbat. Ár bronejıletke jeke tapsyrys boıynsha materıal ázirleımiz. Aldymen úlgisin jasap, tapsyrys berýshimen kelisemiz. Qoldanylatyn materıaldardyń biri kordýra. Ol sý men otty ótkizbeıdi,– ınjener Saıan Botashov.
Qazaqstannyń arnaıy kúsh qurylymyn kıimmen qamtyp otyrǵan birden-bir zaýyt sapany birinshi kezekke qoıady. Ár keýdesheniń salmaǵy 12 keliden asady. Qoldanylatyn materıaldyń sapasy joǵary.
Búgingi tańda «Tynys» zaýytynda shyǵarylatyn polıetılen qubyrlary, avıasııa, temir jol, munaı salalaryna qajetti qosalqy bólshekter men kúshtik qurylymdarǵa arnalǵan bronejıletter tapsyrys berýshiler tarapynan jaqsy baǵa alyp, suranysqa ıe bolyp otyr. Ishki naryqtan bólek shetelge de eksporttalady.
