Departament qyzmetkerleri kúndelikti jumystaryna kirispes buryn sanıtarly-karantındik baqylaýdan ótedi. Dene qyzýlary ólshenip, qoldary dızınfeksııalanady. Maskalary bar-joqtyǵy tekseriledi. Mundaı sanıtarlyq sharalardan kelýshiler de ótip, departamentke qatysty máselesin front keńse ishinde pysyqtaıdy. Iаǵnı, keńse ishinde ornalastyrylǵan ishki telefon arqyly mamannan qajetti keńes beriledi.
– 11 mamyrdan bastap karantın rejımi jeńildetilgenmen, biz óz qyzmetkerlerimizben erekshe jaǵdaıda jumys isteýdi jalǵastyrýdamyz. О́zderińiz jańa kórgenderińizdeı, shaǵyn front keńsede qyzmetkerler men kelýshiler úshin barlyq jaǵdaı jasalǵan. Munyń barlyǵy olardyń arasynda tikeleı baılanysty qysqartý úshin jasalyp otyr. Sebebi, bizdiń qyzmetkerlerimiz sottalǵandarmen de jumys isteıdi ǵoı. Sondyqtan, indetti juqtyrý qaýip-qateriniń aldyn alý óte mańyzdy,–deıdi oblystyq qylmystyq atqarý júıesi departamentiniń bastyǵy Qaırat Aıdarbekov.
Bul rette, kúni búginge deıin oblystyq qylmystyq atqarý júıesi departament qyzmetkerleri men jabyq mekemelerdegi sottalǵandar arasynda koronavırýs indetin juqtyrǵandar tirkelmegen.
