Aımaqtar • 06 Qazan, 2020

iKOMEK ortalyǵyna 1 mln-nan astam ótinish tústi

144 ret kórsetildi

Elimizde karantın engizilgennen keıin elordalyq iKomek ortalyǵyna 1 mln-nan astam ótinish kelip túsken. Elordalyqtardy kóbine koronavırýsqa, Densaýlyq saqtaý júıesi men qoǵamdyq kólik jumysyna qatysty máseleler tolǵandyrdy.

"Karantın kezeńinde 2020 jyldyń 16 naýryzy men 24 qyrkúıegi aralyǵynda iKOMEK ortalyǵyna 1 073 094 ótinish kelip tústi, onyń ishinde: keńes alý úshin - 902 171, alǵys bildirgender – 2 159, usynystar – 2 626. О́tinishterdiń eń kóp sany koronavırýsqa qatysty – 334 672 (31,19%), Densaýlyq saqtaý boıynsha – 231 979 (21,62%), qoǵamdyq kólik jumysy máseleleri boıynsha – 145 873 (13,59%), qalany elektrmen jabdyqtaý jóninde – 52 956 (4,93%), biryńǵaı tólem qujaty boıynsha– 38 858 (3,62%) ótinish tirkelgen", - delingen "iKomek"ortalyǵynyń statıstıkalyq habarlamasynda.

Qoǵamdaǵy máseleler boıynsha ótinishterdiń 71,3%-y kommýnaldyq qyzmetter men qalalyq basqarmalardyń barlyq koll-ortalyqtaryna 109 qysqa nómirmen biriktiretin iKOMEK109 biryńǵaı baılanys ortalyǵy arqyly kelip túsedi. Bul servıs 24/7 rejımde halyqpen baılanysatyn ońtaıly qural. Onyń kómegimen turǵyndar suraqtarynyń 85,3%-y birinshi qońyraýdan keıin sheshiledi, qalǵandary jeti kún ishinde pysyqtalady.

"Kún saıyn bizge 7 000-nan 29 000-ǵa deıin ótinish túsedi. Olardyń kóp bóligi qaıtalanady. Jumystyń 99% -y óńdeledi. Kún saıyn kommýnaldyq kásiporyndar men ákimdik basqarmalarynyń jumysynda 6 000-ǵa jýyq ótinish bar. Bul rette 1 800-den astam qyzmet boıynsha operator birinshi qońyraýdan bastap 16 sekýnd ishinde jaýap bere alady. Eger ótinish áleýmettik jelilerde tússe, onda reaksııa 10 mınýt ishinde beriledi. Máseleni qaraýǵa jáne jaýap berýge jeti kúnge deıin ýaqyt ketedi", - dep naqtylady ortalyqta.

BBO qyzmetine ártúrli tásildermen júginýge bolady. Búginde ótinishterdi berýdiń toǵyz arnasy jumys isteıdi:

1) Uıaly jáne qalalyq telefondar arqyly tegin 109 nómiri arqyly;

2) Telegram-bot: https://t.me/nursultanikomek109_bot;

3) qala ákimdiginiń saıty astana.gov.kz;

4) "iKOMEK109" mobıldi qosymshasy (PlayMarket https://play.google.com/store/apps/details?id=kz.techman.ikomek&pcampaignid=MKT-Other-global-all-co-prtnr-py-PartBadge-Mar2515-1 nemese Apple store https://itunes.apple.com/us/app/ikomek-109/id1447878430?mt=8);

5) "Smart Astana" mobıldi qosymshasy (PlayMarket / AppStore);

6) Saıt https://aitu.city/;

7) Elektrondy mekenjaı arqyly: 109@ikomekastana.kz;

8) Instagram: @ikomek109;

9) Facebook: https://www.facebook.com/ikomek109.

Aıta ketý kerek, iKOMEK109 mobıldi qosymshasy jylyna 50 mln teńge bıýdjet qarajatyn únemdeýge múmkindik berdi. Bul qala basshylyǵynyń ınsıdentter týraly SMS-habarlamalardan bas tartyp, osy servıs arqyly pýsh-habarlamalarǵa aýysýynyń arqasyndaǵy nátıje.

Sondaı-aq iKomek ortalyǵynda monıtorıngtiń Ahýaldyq ortalyǵy jumys isteıdi, onda 16 530 beınebaqylaý kamerasy bar. Olardyń kómegimen elorda kóshelerindegi jáne halyq kóp jınalatyn oryndardaǵy jaǵdaı qadaǵalanady.

Sonymen qatar, barlyq aqparat "iKOMEK" taldaý ortalyǵyna jiberiledi. Bul bólimde qalanyń eń ózekti jáne júıeli máselelerin kórýge múmkindik beretin málimetter bazasy qurylady. Osynyń arqasynda ártúrli oqıǵalardyń túpki sebepteri anyqtalady. Bul júıeli jáne qaıtalanatyn máselelerdi sheshýdiń eń senimdi sheshimderin qabyldaýǵa múmkindik beredi.

Uqsas jańalyqtar