Brıfıngte Almaty qalasy bilim Basqarma basshysy Lázzat Jylqybaeva bıylǵy oqý jylynda megapolıste 9 299 túlek mektep bitiretindigin jáne olardyń 545-i «Altyn belgi» úmitkerleri ekendigin atady.
–Bıylǵy jyly 9 jáne 11 synyp oqýshylary úshin qorytyndy attestattaý ótkizilmeıdi, attestattar aǵymdaǵy oqý jylynda toqsan qorytyndysy eskerile otyryp, sol baǵalardyń negizinde beriletin bolady, dedi Lázzat Jylqybaeva.
Sonymen qatar, Almaty qalasy bilim Basqarma basshysy qazirgi tańda tómendegi sharalardy ótkizýge daıyndyq jumystary júrgizilip jatqanyn jetkizdi:
22 mamyr kúni saǵat 11.00 kezinde «Balapan» jáne «El arna» telearnalarynda 11 synyp túlekteri úshin mamandyqqa baǵyttaý boıynsha biryńǵaı telesabaq ótedi.
25 mamyr kúni saǵat 11.00 kezinde Bilim jáne ǵylym mınıstriniń jáne qalanyń bilim salasyndaǵy ókilderiniń onlaın quttyqtaýy ótedi;
25 mamyr kúni (po gıbkomý grafıký) onlaın synyp saǵattary - 1-10 synyp oqýshylary úshinsońǵy qońyraý ótedi;
3-4 maýsym kúnderi mektepterde 11 synyp túlekterine attestat tabystaý boıynsha saltanatty lıneıkalar ótedi. Ol aldyn ala jasalǵan kestege sáıkes túlekterdiń kóptep bir jerge toptalmaýy maqsatynda ótkiziledi.
Sonymen birge Almaty qalasy bilim Basqarma tarapynan túlekterdiń sanıtarlyq talaptar men qaýipsizdikti saqtaýy boıynsha, lıneıkalardyń mektep aýmaǵynda ashyq aspan astynda ótýi, oǵan qatysatyn túlekterdiń mektep formasyn kııýi jáne basqa da máseleler erekshe baqylaýǵa alyndy.
