Búginde qalada 893 mektepke deıingi uıymdar bar, olardyń 185 (20%) memlekettik bolap tabylady.
Kezekte 1-6 jas aralyǵynda 43 myńnan astam bala tur, onyń 18 myńnan astamy 3-6 jas aralyǵynda.
Lázzat Jylqybaeva balabaqshaǵa kezekte turǵandar sanyn azaıtý úshin qalada tómendegideı birqatar mehanızmder júzege asyrylyp jatqandyǵyn retimen baıandady.
Birinshiden, bıyl 4 memlekettik balabaqsha qurylysy aıaqtalýǵa jaqyn, taǵy 3 balabaqsha qurylysy bastaldy. Sonymen birge, 6 memlekettik mektepke deıingi uıymnyń qurylysyn júrgizý josparda bar.
Ekinshiden, aǵymdaǵy jyldyń jaz maýsymynda 1997-2004 jyldar aralyǵynda jeke bilim berý uıymdaryna jalǵa berilgen 11 memlekettik balabaqshany qaıtarýdy bastaý josparlanyp otyr.
Eger jalǵa alýshy ǵımarattyń profılin balabaqsha retinde saqtap, ony jańǵyrtýǵa (jóndeý, jaǵdaıyn jaqsartý) óz qarjysyn salýǵa daıyn bolsa, ǵımaratty qaıtarmasa bolady.
Úshinshiden, jekemenshik sektorǵa qoldaý. Iаǵnı qazirgi ýaqytta jekemenshik balabaqshalarda ata-analarǵa tólemdi bólip tóleý máselesi qaralýda.
Sonymen 2021 jyly jobalyq qýaty 2590 orynǵa shaqtalǵan 13 balabaqsha paıdalanýǵa beriledi, jekemenshik balabaqshalarda qosymsha 8000 oryn ashylǵan, qaıtarý jáne ǵımaratty jańǵyrtý joly arqyly qosymsha 2200 oryn qurylǵan.
2020-2021 jyldary qosymsha 12 790 oryn qurylady, ol balabaqsha kezegin 70%-ǵa azaıtady.
Qazirgi ýaqytta qaladaǵy mektepke deıingi barlyq 893 uıymnyń jumysy toqtatylǵan. Sonymen birge, qaladaǵy epıdemıologııalyq jaǵdaıdyń turaqtanýyna qaraı, balabaqshalar jumysyn kezeń kezeńimen iske qosý qarastyrylyp jatyr.
ALMATY
