Qoǵam • 19 Mamyr, 2020

Karantındegi Almaty: 893 balabaqshanyń jumysy toqtap tur

33 ret kórsetildi

Qazirgi ýaqytta qaladaǵy mektepke deıingi  barlyq  893 uıymnyń jumysy toqtatylǵan. Sonymen birge, qaladaǵy epıdemıologııalyq jaǵdaıdyń turaqtanýyna qaraı, balabaqshalar jumysyn kezeń kezeńimen iske qosý qarastyrylyp jatyr.  

Mektepter men balabaqshalardan bólek búginde qosymsha bilim berý nysandarynyń qurylysyna erekshe kóńil bólinýde. Bul  týraly búgin Almaty qalasy óńirlik kommýnıkasııalar qyzmetiniń alańynda ótken onlaın brıfıngte Almaty qalasy bilim Basqarma basshysy Lázzat Jylqybaeva baıandady.

Qalada 9 memlekettik mýzykalyq mektep pen 8 oqýshylar úıi bar. Olar barlyǵy 22 myń bala qamtıdy. Ol jalpy oqýshylardyń  8 paıyzyn quraıdy.

Sonyń ishinde qala shetindegi aýdandar qosymsha bilim berýde áldeqaıda kenje qalyp tur. Alataý aýdanynda barlyǵy 1 ǵana mektepten tys uıym bolsa, Naýryzbaı aýdanynda olar múlde joq.

Osyǵan baılanysty 2020 jyly Alataý jáne Naýryzbaı aýdandarynda 2 kópsalaly Oqýshylar saraıynyń qurylysy bastalmaq. Nysandar 2021 jyly paıdalanýǵa beriledi dep josparlanýda.

Sonymen birge, Oqýshylar saraıyn modernızasııalaý jobasynyń konsepsııasy jasaldy.

Bıyl sondaı-aq Bostandyq aýdanynda №5 balalar mýzykalyq mektebiniń jańa oqý korpýsy aıaqtalady.

Jalpy bilim júıesindegi aǵymdaǵy mańyzdy mindetterdi kezeń-kezeńimen sheshýde jumystar jalǵasyp jatyr, júrgizilip jatqan jumystar únemi baqylaýda.

 

 

ALMATY

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar