Eń qysqa áńgime • 20 Mamyr, 2020

Tórt kún izdeýde bolǵan bala tabyldy

327 ret kórsetildi

«Balanyń kóńili – dalada» degen... Osy bir támsildi dáleldegisi keldi me, kim bilsin, Mııaly selosynda turatyn 15 jastaǵy jasóspirim úıinen shyǵyp ketip, tórt kún boıy kúndiz dalada «qydyryp», túnde dostarynyń úıine qonyp júripti.

Osynsha kún úıine kelmegen balasy úshin alańdaǵan anasy Qyzylqoǵa aýdandyq polısııa bóliminen kómek su­rady. Beıbit kúnde ushty-kúı­li joǵalǵan jasóspirimdi iz­deýge aýdandyq polısııa bó­li­miniń, okrýgterdegi polı­sııa bólimsheleriniń  jeke qu­ramy  jumyldy. Kámeletke tolmaǵan balany jan-jaqty  izdestirý úshin top-topqa bó­lingen saqshylar aýdan aýma­ǵyndaǵy aýyl-selolar­dy túgel tintip, dalalyq jol­dardy da nazardan tys qaldyrmady.

– Polısııa bóliminiń  ýchas­kelik polısııa ınspektory, polısııa kapıtany A.Sár­­senǵalıev, kámeletke tol­maǵandar isi jónindegi ıns­pektor, polısııa maıory B.Baıjan, patrýldik polısııa aǵa ınspektory, polısııa ka­pıtany J.Amanjolov, anyqtaýshy,  polısııa leıtenanty O.Elaman, jedel ýákil, polısııa kapıtany  Sh.Naý­ryzǵalıev balany Mııalydan 4-5 shaqyrym jerdegi dalalyq jol boıynan taýyp,  anasyna  tapsyrdy, – dep habarlady polısııa departamentiniń baspasóz qyzmeti.

Joǵalǵan jasóspirimniń anasy – 1976 jylǵy  azamat­shanyń aıtýynsha, ulynyń úıde joǵyna alǵashqyda  son­shalyqty  mán bermepti.  Ulyn  atasynyń úıine  ketken bolar dep oılaǵanyn jasyrmaıdy. О́ıtkeni jasóspirim buryn da otbasyndaǵylarǵa  aıtpastan, aýdan ortalyǵynan 100 shaqyrym qashyqta or­na­lasqan Qarabaý eldi meke­nindegi  atasynyń úıine jıi barady eken.

– Bul joly da solaı bolar dep oıladym. Biraq Qa­ra­baýdaǵylarǵa telefon shal­­ǵanda, onyń kelmegenin bil­dim. Barýy múmkin-aý degen boljammen, barlyq týǵan-týystardan surastyryp, tórt kún boıy izdestirdim. Amalym taýsylǵasyn, polısııanyń kómegine  júgindim, – deıdi tórt kúnnen keıin tabylǵan jas­óspirimniń anasy.

Al joǵalyp-tabylǵan ba­lanyń aıtýynsha, úıinen shyǵarda jyly kıimin, arqaǵa asatyn  sómkesine azyq-túlik salyp alypty. Kúndiz dalada «qydyryp» júrgende, bul bala  ne izdedi eken?

 

Atyraý oblysy

 

Sońǵy jańalyqtar

Qanat Taımerdenov jańa qyzmetke taǵaıyndaldy

Taǵaıyndaý • Búgin, 17:39

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar