Qarapaıym halyqty qaýipti indetten qutqarý, olardy qoldaý maqsatynda kópshilik qoldan kelgen kómekterin de uıymdastyrǵan edi. Tipti jomart jandardyń qoldaýymen karantın kezinde kópshilikke azyq-túlik taratylyp, turǵyndar qajetti taýarlarmen de qamtylýda. Munyń bári de halqymyzdyń qaıyrymdylyq qaǵıdattaryna berik, kómek qolyn sozýǵa beıim ekenin kórsetedi.
Kópshilikti koronavırýs indetinen qorǵaý jumysyna tarazdyq qyz-kelinshekter de ózindik úlesin qosqan bolatyn. Tarazdyq 30 qyz-kelinshek medısınalyq maska tigýge tegin atsalysyp, nátıjesinde olar 10 myńǵa jýyq betperde tikken. Olar qala turǵyndaryna tegin taratylyp berilgen edi. Bul synaq ta halqymyzdyń árdaıym birlikte ekenin kórsetti. Qyz-kelinshekterdiń bul bastamasyn kóne shahar turǵyndary da qýana qoldaǵan bolatyn. Eńbek eskerilip, Taraz qalasynyń ákimi Aıtqazy Qarabalaev qalanyń qoǵamdyq ómirine belsene aralasyp, tótenshe jaǵdaı kezinde tegin medısınalyq maska tigýge atsalysqan arýlarǵa alǵys bildirdi. Ákimniń Alǵys hatyn qalalyq ishki saıasat bóliminiń basshysy Ulana Slambekova árbir qyz-kelinshektiń úıine baryp, tabystady. Al tarazdyq názik jandylar qala ákimine rızashylyǵyn bildire kelip, osyndaı qıyn kezeńde kópshilikke qoldan kelgen kómegin berý árbir azamattyń boryshy ekenin jetkizdi.
Jambyl oblysy
