Aımaqtar • 20 Mamyr, 2020

Baızaq aýdanynda 20 aýyl taza aýyzsýmen qamtylǵan

36 ret kórsetildi

Jambyl oblysynyń Baızaq aýdanynda 43 eldimeken bar bolsa, búginde onyń ishinde 20 eldimeken aýyzsýmen qamtylǵan. Taza aýyzsýmen qamtamasyz etilgen 17 eldimekenge «Baızaq sý» memlekettik kommýnaldyq kásiporny, qalǵan 3 eldimekenge, ıaǵnı Aqsholaq, Úshbulaq jáne Talas stansalaryna «Temirjol sý» jaýapkershiligi shekteýli seriktestigi qyzmet kórsetedi.

Aýdanda aǵymdaǵy jyly sý qabyldaý qurylystary men sý qubyry jelilerin salý baǵytynda 8 joba qolǵa alynyp, oǵan jalpy 4 mıllıard 727 mıllıon 267 myń teńge qarjy qaralǵan. Al, qurylys barysynda 380 jergilikti turǵyn jumyspen qamtylady eken. Sondaı-aq, Mádimar aýylyndaǵy Q.Nuranova kóshesin sýmen jabdyqtaý boıynsha aǵymdaǵy jumystarǵa respýblıkalyq bıýdjetten 5 mıllıon 210 myń teńge, Dıhan aýylynyń sýmen jabdyqtaý jelisi men qudyqtaryn aǵymdaǵy jóndeýge 18 mıllıon teńge bólingen. Bul jumystar «Jumyspen qamtýdyń jol kartasy» baǵdarlamasy aıasynda júzege asyrylýda.

О́tken jyly aýdan ortalyǵy Sarykemer aýyly men Talas aýylynda aýyzsý qubyrlaryn júrgizý jumystary bastalǵan bolatyn. Talas aýylyndaǵy sýmen jabdyqtaý jelileriniń sý qabyldaıtyn qurylystaryn salý jumystaryna jalpy 638 mıllıon 439 myń teńge qarastyrylǵan. Mundaǵy qurylys-montaj jumystary aǵymdaǵy jyly aıaqtalady dep kútilýde. Al, Sarykemer aýylyna júrgizilip jatqan qurylys jumystaryn 2021 jyly aıaqtaý josparlanǵan. Oǵan respýblıkalyq jáne oblystyq bıýdjet esebinen 3 mıllıard 402 mıllıon 130 myń teńge qarjy qaralǵan. Sonymen qatar, bıylǵy jyly «О́ńirlerdi damytý» baǵdarlamasy aıasynda aýdandaǵy Baızaq, Qostóbe, Kóktal jáne Seńkibaı eldimekenderinde sý qabyldaý qurylystary men sý qubyry jelilerin salý jumystary bastaldy. Respýblıkalyq jáne oblystyq bıýdjetten Baızaq eldimekenine 232,2 mıllıon, Qostóbe eldimekenine 449,6 mıllıon, Kóktal eldimekenine 232,8 mıllıon, al Seńkibaı eldimekenine 241,6 mıllıon teńge bólingen. Bul eldi mekenderdegi qurylys - montaj jumystary 2021 jyly aıaqtalady. «Sonymen qatar, taza aýyzsýmen qamtylmaǵan Bazarbaı, Úlgili, Aqqııa, Sarybaraq aýyldaryna jańa qurylys, Qyzyl juldyz aýylyn qaıta jańǵyrtý boıynsha aýyzsýmen qamtý úshin qajetti qarajat qaralyp, jobalyq-smetalyq qujattamasyn ázirleý úshin memlekettik satyp alý konkýrsy ótýde.

Sondaı-aq, «Jumyspen qamtýdyń jol kartasy» baǵdarlamasymen Jańaturmys aýylyna jańa qurylysqa 420,1 mıllıon teńgege, Býryl aýylynda qaıta jańǵyrtýǵa 850,6 mıllıon teńgege sý qabyldaý qurylystary men sý qubyry jelilerin salý boıynsha qurylys jumystary bastaldy. Josparǵa sáıkes, 2020 jyly Talas, Jańaturmys jáne Býryl eldimekenderindegi qurylys-montaj jumystary aıaqtalady. Bul kórsetkish eldimeken sanymen 51,1 paıyzdy qurasa, halyq sanymen 52 154 adamdy nemese 48,6 paıyzdy quraıdy. Kelesi 2021 jyly Sarykemer, Baızaq, Qostóbe, Kóktal jáne Seńkibaı sııaqty 5 eldimeken taza aýyzsýmen qamtylady dep josparlanýda. Kókbastaý aýylyn taza aýyzsýmen qamtý baǵytynda jobalyq-smetalyq qujattamasy ázirlenip, memlekettik saraptamanyń oń qorytyndysy alynyp, bıýdjettik ótinim joldandy. Al, aýdan aýmaǵynda ornalasqan halyq sany jaǵynan az qonystanǵan Tórekeldi, Qaınar, Tórtkól, Jańasaz sııaqty 4 eldimekenge oblystyq turǵyn úı-kommýnaldyq sharýashylyq basqarmasy tarapynan ortalyqtandyrylǵan modýldi sý qudyǵyn ornatý jumystary josparda bar», deıdi aýdan ákimi Nurjan Nurjigitov.

1

Sonymen qatar, Jańaturmys aýyldyq okrýgine qarasty Aqsholaq eldimekeninde búginde taza aýyzsýǵa qosylmaǵan 70 aýlanyń turǵyndary bar bolsa, olar 65 000 teńgeden óz qarajattary esebinen sý jınaýǵa qosylý jumystaryn júrgizýde eken. Osyndaı aýqymdy jumystardyń nátıjesinde 2024 jyly aýdandaǵy 43 eldimekenniń turǵyndary taza aýyzsýmen tolyqtaı qamtamasyz etiledi dep josparlanýda. Al, «Baızaq sý», «Temirjol sý» mekemeleriniń qyzmet tarıfi josparǵa saı bekitilgen. Sondaı-aq, búginde aýdanda geologııalyq sý qoryn anyqtaýǵa baılanysty sharalar qolǵa alynyp, aýyz sýdy barlyq úıge jetkizý máselesi, sý jetkizilgen barlyq úılerge sý eseptegish qurylǵylardy ornatý jaıy, sý sharýashylyǵy mamandarynyń kómegimen óńirdegi jerasty tushy sý qorynyń mólsherin anyqtaý boıynsha jumystar da atqarylýda.

 

Jambyl oblysy

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar