Sarmat dáýirindegi «Altyn áıel» beınesi rekonstrýksııalandy

– Alǵashqy zertteýler barysynda qorǵanda sarmat dáýirindegi baı áıel jer­lengen dep topshylaýǵa negiz qalandy. О́ıtkeni qorǵannan altyn japsyrmalar, keramıkalyq ydystar, qola men metaldan jasalǵan jebelerdiń ushtary, at áb­zelderi, qabannyń azý tisi, ydystardyń ańdar fıgýrasy túrindegi tutqasy sekildi kóne buıymdar tabylǵan edi, – deıdi Aty­raý oblystyq ta­rıhı-ólke­taný mýzeıiniń dırektory Rashıda Harıpova.

Qorǵannan tabylǵan kóne jádigerler Almatydaǵy ult­tyq saraptama jáne sertı­fı­kattaý ortalyǵyna jibe­ri­lipti. Munda «altyn áıel­­­­diń» jasyna, áshe­keı­ler­diń hımııa­lyq qu­ramyna zertteýler jasalǵan. Sondaı-aq sýret­shi-restavrator Qyrym Al­tynbekovtiń jetekshi­ligimen «Ostrov Krym» ǵy­lymı-res­tavrasııalaý zerthanasynda «altyn áıel» beınesin restavrasııalaý men eskızin jasaý jumystary júrgizilgen.

– Qundy jádigerlerdiń quramy men salmaǵy anyq­taldy. Keıbir áshe­keılerdiń altynnan jasal­ǵany 91 pa­ıyzǵa dáleldendi. Zert­ha­­na­lyq zertteýlerden keıin qundy jádigerler bi­zdiń dá­ýirimizge deıingi IV ǵa­syr­da ómir súrgen áıeldiń bu­ıym­dary ekeni daýsyz, – deıdi Rashıda Harıpova.

ATYRAÝ