Sondaı-aq, ol karantındik shekteýdiń koronavırýs ınfeksııasynyń aldyn alýdyń birden-bir tıimdi is-sharasy ekendigin atap ótti.
– Sýyq tııý belgileri kezindegi ózin-ózi oqshaýlaý jáne dárigerdi jedel shaqyrý, betperde kııý, kezekte, qoǵamdyq kólikte, serýendeý kezinde áleýmettik qashyqtyqty saqtaý – bul sanıtarlyq dárigerdiń talaby ǵana emes, bul órkenıetti qoǵamnyń barlyq músheleri oryndaýy tıis qazirgi zamanǵy etıkettiń jańa erejeleri, – dedi ol.
Brıfıngte óńir basshysy Qaraǵandy oblysynda saýda ortalyqtary, dámhanalar men meıramhanalardyń 29 mamyrdan bastap jumys isteıtinin málimdedi. Dál osy kúni 30 adamǵa deıingi syıymdylyǵy bar jazǵy terrasalar men qonaq úıler de kelýshilerge aıqara esik ashady. Saýda-oıyn-saýyq ortalyqtary da ashylǵanymen, olarda ornalasqan balalar alańdary men kınoteatrlar ázirge jabyq bolady. Bala baqshalardaǵy kezekshi toptar maýsymnyń 1-juldyzynda jumysyn bastaıdy.
Sonymen qatar, Jeńis Qasymbek KVI aýrýshańdyǵynyń ósýi tómendep, epıdemıologııalyq jaǵdaı turaqtanar bolsa, maýsym aıynynyń basynda Temirtaý qalasy men Botaqara kentin ashýdyń josparda bar ekenin de habarlady.
Degenmen, ol KVI aýrýshańdyǵynyń ósýi tómendegen jaǵdaıda ǵana karantındik sharalardy odan ári jeńildetýge bolatynyn málimdedi.
Qaraǵandy oblysy
