Bıyl qaladaǵy saıabaqtarda masaǵa qarsy dezınfeksııany júrgizý tender boıynsha «Dezınfeksııa Kókshetaý» kompanııasyna buıyrdy. Olar tıisti jumystardy 4 mamyrdan bastaǵan. Turǵyndar masamen kúresý sharalarynyń nátıjeli ekendigin rastap otyr.
Dezınfeksııalaý jumystaryn júrgizetin mekeme qaladaǵy 25 nysanǵa jaýapty. Onyń ishinde ortalyq saıabaq, temirjolshylar alleıasy, Qopa kóliniń jaǵalaýy bar. Al jertóleler men turǵyn úı aýlalaryn páter ıeleri kooperatıvteri qadaǵalaıdy.
– Dezınfeksııa sharalarynyń kelesi kezeńin maýsymnyń birinde bastaımyz. Eger turǵyndardyń tarapynan masaǵa baılanysty shaǵym tússe, bul sharalardy qaıta jasaımyz. Biz shybyn-shirkeılerdi sıpermetrınmen ýlaımyz. Bul belgili preparat. Alaıda ony sý aıdyndaryna qoldanbaımyz. Barlyq jumys adamdar joq kezde, tańerteń júrgiziledi. Tıisti sharalar mamyr men qyrkúıek aralyǵynda ótedi,–deıdi «Dezınfeksııa Kókshetaý» seriktestigi dırektorynyń orynbasary Bota Álıeva.
Mamandardyń aıtýynsha, olar shybyn-shirkeımen kúresý jumystaryn júrgizýge ámanda daıyn.
Aqmola oblysy
