Memlekettik baǵdarlama sheńberinde Shıeli aýdanyna 3 mlrd teńgeden astam qarjy bólinip, ınjenerlik-kóliktik ınfraqurylym, áleýmettik-mádenı, turǵyn-úı kommýnaldyq, abattandyrý baǵytynda 21 joba júzege asyrylýda. Sonymen qatar, 681 jańa jumys orny ashylady.
О́ńir basshysy aldymen Sulýtóbe aýyldyq okrýginiń 1 Mamyr eldi mekenindegi abattandyrý jumystary men aýyz sý júıesiniń jaǵdaıyn kórdi. Bul aýylǵa 58 mln teńge bólinip, 14 turǵyn jumyspen qamtylǵan.
Munan soń oblys ákimi Jólek eldi mekenine kire beristegi kópirge kúrdeli jóndeý jáne Shıeli kentindegi jol jóndeý jumystarynyń barysyn kórdi. Oblys ákimi aýdan ákimine bólingen qarjyny maqsatty jumsap, jumys sapasyna mán berýdi tapsyrdy.
Sapar aıasynda Gúlshara Ábdiqalyqovanyń tóraǵalyǵymen aýdannyń áleýmettik-ekonomıkalyq damýy jónindegi májilis ótti. Jıynda aýdan ákimi Qambarbek Múbarakov atqarylǵan jumystar men aldaǵy josparlar týraly baıandap, aımaq basshysy áleýmettik-ekonomıkalyq saladaǵy kórsetkishterdi arttyrý boıynsha birqatar naqty tapsyrmalar berdi.
Aýdan ekonomıkasy damýynyń ústimizdegi jyldyń 4 aıynyń qorytyndysy boıynsha negizgi makrokórsetkishterdiń 4-ýi, atap aıtsaq, aýyl sharýashylyǵy 0,2%, ınvestısııa 74%, qurylys jumysy kólemi men turǵyn úı qurylysy 15,3% tómendep, meje oryndalmaǵan. Áleýmettik sala, onyń ishinde densaýlyq saqtaý salasynda da kemshilikter bar. Aýdannyń áleýmettik-ekonomıkalyq damýy boıynsha birqatar máseleler kóterildi. Atalǵan kemshilikterdi joıý baǵytynda aýqymdy jumys atqarý qajet. Bizdiń basty baǵytymyz turǵyndardyń ál-aýqatyn kóterý, - dedi oblys ákimi.
Májilisten keıin aımaq basshysy Shıeli kentindegi jylyjaıdyń, «RÝ-6» ken basqarmasynyń «Qaramuryn» óndiris ornynyń, «Arý ana» shubat sehynyń, plastmassa qubyrlaryn shyǵaratyn zaýyttyń, «Kompanııa Gejýba Shıeli Sement» JShS-niń jumysyn kórdi. Shıeli kentindegi úsh qabatty 18 páterli turǵyn úı qurylysy menn Aqmaıa aýylyndaǵy egis alqabynda aýdandaǵy dala jumystarynyń barysymen tanysty. Bul egis alqapta 370 gektar jerge kúzdik bıdaı egilgen jáne jańa sıfrlyq tehnologııalar paıdalanýda.
