Foto: Sınhýa
Bul – onyń Qytaıǵa jasaǵan 25-sapary.
Bıyl Qytaı-Reseı seriktestik jáne strategııalyq ózara is-qımyl qatynastarynyń ornaǵanyna 30 jyl, sondaı-aq QHR men RF arasyndaǵy tatý kórshilik, dostyq jáne yntymaqtastyq týraly shartqa qol qoıylǵanyna 25 jyl tolyp otyr.
Qytaı BAQ-tary Sı Szınpın men Toqaev kezdesýin qalaı baǵalady: senim, sımvolızm jáne jańa kelisimder
«Bir kún kórispesek te, úsh kúz ótkendeı bolady». Vladımır Pýtın kelissózder barysynda Sı Szınpındi qarsy alyp, qytaı maqalyn keltirdi.
Onyń aıtýynsha, qazirgi jahandyq daǵdarystar kezeńinde Máskeý men Beıjiń arasyndaǵy baılanys erekshe mańyzdy bolyp, ekijaqty yntymaqtastyq jaqsy qarqyn kórsetip otyr. Mysaly, shırek ǵasyr ishinde Reseı men Qytaı arasyndaǵy taýar aınalymy 30 esege artqan.
Sı Szınpın Qytaı men Reseı jan-jaqty strategııalyq ózara is-qımyldy jáne onyń sapasyn jańa deńgeıge kóterý arqyly ulttyq jańǵyrýǵa qol jetkizýi, sondaı-aq anaǵurlym ádil ári utymdy jahandyq basqarý júıesin qurýy qajet ekenin aıtty.
Vladımır Pýtın de, Sı Szınpın sııaqty, suhbattasyn «qymbatty dosym» dep atap, ony 2027 jyly Máskeýge shaqyrdy.
Aıta keteıik, buǵan deıin Sı Szınpın Beıjińde AQSh prezıdenti Donald Trampty saltanatty túrde qabyldaǵan bolatyn.
