Foto: Ashyq derekkóz
Qazaqstannyń Vashıngtondaǵy elshiligi óziniń resmı paraqshasynda Asel Robertsti jańa qyzmetimen quttyqtap, onyń AQSh tarıhyndaǵy elshi qyzmetine taǵaıyndalǵan alǵashqy etnıkalyq qazaq ekenin atap ótti.
Asel Robertstiń balalyq shaǵy Almaty qalasynda ótken. Keıin AQSh-qa qonys aýdarǵan. Ol Georgetown University ýnıversıtetin támamdaǵan. Stýdent kezinde Aq úıde taǵylymdamadan ótip, keıin amerıkalyq memlekettik qyzmet júıesinde mansabyn bastaǵan.
Roberts shamamen 20 jyl boıy memlekettik basqarý salasynda eńbek etip, AQSh-tyń birneshe qurlyqtaǵy dıplomatııalyq mıssııalarymen ózara is-qımyldy úılestirgen. Sondaı-aq túrli memlekettiń ókilderimen kelissóz júrgizgen.
Ol birneshe AQSh prezıdenti ákimshiliginde jumys istedi. Eńbek jolyn Barak Obamanyń tusynda bastap, keıin Djo Baıden ákimshiligi kezinde de qyzmetin jalǵastyrǵan.
Asel Roberts qazaq, aǵylshyn, orys jáne japon tilderin erkin meńgergen.
Eske sala keteıik, buǵan deıin Qazaqstan azamaty Londonnyń bedeldi aýdanyna mer bolyp saılanǵanyn jazǵan edik.
