Foto: Ashyq derekkóz
«Osy jyldar ishinde Beu Fest Qazaqstannyń mádenı ómiriniń ajyramas bóligine aınalyp, tek jergilikti turǵyndardyń ǵana emes, el qonaqtarynyń da nazaryn aýdara aldy. Festıvaldiń bir basty ereksheligi – bul elimizdegi Beu FM radıostansııasynyń tikeleı qoldaýymen ótetin jalǵyz mýzykalyq festıval. Radıo men tiri mýzykanyń mundaı sınergııasy jobaǵa biregeı statýs berip, onyń aýqymyn odan ári keńeıte túsedi. Búginde bul – mýzykalyq trendterdi qalyptastyratyn jáne ondaǵan myń adal tyńdarmannyń basyn qosatyn negizgi alań», delingen habarlamada.
Bıyl uıymdastyrýshylar eldiń basty hıtmeıkerlerin bir alańǵa jınaıdy. Sahna tórinde Ninety One, Qaırat Nurtas, Shiza, ALEM, Yenlik, M'Dee, Ayau, Ghetto Dogs, Janar Dýǵalova, Bonapart, sonymen qatar Ulukmanapo jáne Mırbek Atabekov óner kórsetedi.
