Foto: Vıdeodan alynǵan kadr
Bul rezonans týdyrǵan oqıǵa qańtar aıynda bolǵan edi. Sol kezde eki mektep oqýshysy aýyr jaraqattarmen, denesindegi kúıik izderimen jáne soqqy belgilerimen shuǵyl túrde aýrýhanaǵa jetkizilgen. Balalar mektepke barmaı qoıǵannan keıin jaǵdaı áshkere boldy.
Tergeý barysynda qorqynyshty jaıttar anyqtaldy. Balalardyń aıtýynsha, anasy olardy únemi uryp-soǵyp, qorlap, tipti sýǵa batyryp óltirýge áreket jasaǵan. Sotta aıyptalýshy óz kinásin moıyndap, balalarynan keshirim surap, istegen isine ókinetinin aıtty. Degenmen ol shyǵarylǵan úkimdi tym qatań dep esepteıtinin jetkizdi. Áıeldiń sózinshe, ol mundaı áreketterge «ashýǵa berilgen sátterde» barǵan.
Balalardyń ákesi sol ýaqytta Eýropada jumys istep júrgen. Áıel onyń otbasyǵa qoldaý kórsetpegenin de málimdedi. Qazir balalar memleket qamqorlyǵyna alynǵan. Al naýryz aıynda azamattyq sot áıeldiń ata-analyq quqyǵyn shektegen bolatyn.
Shymkent qalalyq qylmystyq ister jónindegi aýdanaralyq sotynyń sýdıasy Altyn Biltebaı sottalýshynyń balalaryn erekshe qatygezdikpen azaptap, olarǵa fızıkalyq jáne psıhologııalyq zardap keltirgenin aıtty. Sýdıanyń sózinshe, bul áreketterdiń barlyǵy sot barysynda tolyq dáleldengen.
Aıta keteıik, Qyzylorda qalasynda qutqarýshylar terezeden qulap ketkeli turǵan balany qutqaryp qaldy.
Aýǵanstandaǵy ákeler balalaryn satýǵa májbúr bolǵan.
